MATTHEW 18:3 - Kathara Bible (BSI)

³ hānga, “Kachangkhat eina ina nathumli kahāngna, nathumna ningngateida naoshinao thada mathaakha kazing wungramli mazangrarlakmara.

MATTHEW 18:3 Iomraidhean Croise

LAA 131:2

Kha naona ava̱wui mathikli chingri kahai thāda, imanglā chingrihai; chingri kahai nao thāda imanglāla chingrihai.

ISAIAH 6:10

Mibing hiwui wuklung thaongasaklu, kala athumwui khanā ritngasaklu, mik khamimihaolu; athumwui mik eina theihaipaishina, kala athumwui khanā eina shāhaipaishina, kala athum wuklung eina theikhuida ning ngateida kharai samphanghaipaishina.”

MATTHEW 13:15

Kaja mibing hiwui ning tangmanghaira, khanāla mashāpaithura, athumwui mikla mikpihaira, chi mathāsāsi kaje athumwui mik eina theira, kala khanā eina shāra, athumwui ning eina bhap tāshapra, kala athumli raimi khavai ili ngareirāra.’

MATTHEW 18:2

Chieina ana naoshinao kateowa akhali hokhuida athumwui ngachaili nganing ngasakta

MATTHEW 18:4

Kachikathā khalatta naoshinao thada malungkhanima a china kazing wungramli hakmeikap kajena.

MATTHEW 19:14

Kha Jishuna hānga, “Naoshinaobingli iwuili rāngasaklu, athumli mahaphaialu, khikhalajila wungram hiya athum kathāwuina.”

MATTHEW 19:23

Chiwui thili Jishuna awui sākhangatha̱bingli hānga, “Ina nathumli kachangkhat eina kahāngna, kashānga akhana kazing wungramli zangki kaji hi saklakra.

MATTHEW 5:18

Ina nathumli kachangkhat eina kahāng hina, kazingram eina okathui mashimānranglakha eina tangda kala sāki kaji ot saikora masākupranglakha eina tangda ainwui mayekkainao akhala mashimānlakmara.

MATTHEW 5:20

Kaja ina nathumli kahāngna, kaja ain kathema eina Phariseebingli nathumna mamashungmeirarakha kachilikha nathum kazing wungramli mazangrarmara.

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:2

“Chiwui vang eina nana kachikathā khavāta mi akhali khangachon khami tharan phākakhaningabingna synagogueli kala chānreili mibingna sovairanu da kasā thada yaruili masāchitheizatalu.

MATTHEW 6:5

“Nathumna seihā kasā tharan phākakhaningbingna kasā thada masāphalungmara kaja athumva mina theivairanu da synagogueli kala chānreipheili nganinglaga seihā sākazat ningchanga. Ina nathumli kachangkhat kahāngna, athumna samphangkhangayi chi samphanghaira.

MARK 4:12

‘Kaja, Athumna theikachanglala mamachukmara, athumna shākachanglala bhap matāmara; chithasāsi kaja athum Vareli latunghairara, kala ana athumli pheomihairara.”

LUKE 13:24

“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara.

LUKE 22:32

Kha Simon, ina nawui shitkasang mangachei khavai seihā sāmihaira, kala nana ili hanungluishit kaji tharan navānaobingli ngatar ngasaklu.”

JOHN 1:51

Kala Jishuna athumli hānga, “Kachangkhat eina ina nathumli kahāngna, nathumna kazingram shokahai theira, kala Varewui kazingraobingna miwui Naomayarawuitungli kakā katung theira.”

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

OTSAK 28:27

Kaja athumwui ning mangma̱ ngasakhaira, khanāla ngakhok ngasakhaira, kala athumwui mikla mikpihaira, chi maningsi kaja athumwui mikna theira, athumwui khanāna shāra, athumwui ningna bhap tāra, kala athumna ili latunghairara, kala athumli raimihairara, da Varena hānga.’”

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

1 CORINTHNAO 14:20

Ivānaobing nathumwui chukhamja̱li naoshinao mathaalu. Makaphā otli angangnao thada sālu kha chukhamaja̱li khararnao thada sālu.

1 PETER 2:2

Pharādhadhar angangnao thada atam kachida kashenga manglāwui seina̱ ningchānglu. Chithada sāda chi khamangwui vang nathum rarsangda kahui samphangra.

2 PETER 1:11

kala ithumwui Proho kala Huikhame Jishu Khristawui katang makhavai Varewui wungramli zangpai khavai apong tārakha eina ithumli ngarānmira.