MATTHEW 18:22 - Kathara Bible (BSI)

²² Jishuna ali hānga, “Ina nali shini shira da mahāngmana, kha hangshini shini shida kajina.

MATTHEW 18:22 Iomraidhean Croise

HAOKAPHOK 4:24

Cainli shini shida athut khuiakha, kachangkhat eina Lamechli hangshinida shini shida khuira.”

ISAIAH 55:7

makhayā mina awui shongfa horhaida, kala makhamashunga mina awui kaphaning horhailaga; ana lumashanmipai khavai ithumwui Proho Vareli latungranu, kaja ana mavātlakla pheomira.

MICAH 7:19

Ana ithumwuitungli lumashanluishitra, ithumwui khayonkhamāng phei eina naishanhaora. Nana ithumwui morei saikora kathuka shamadruli horsanghaora.

MATTHEW 18:23

Chiwui vang eina kazing wungram hiya awunga akhana awui raobingwui hishap tharkhuikhangai chili ngaheopai.

MARK 11:25

Kala nathumna nganingda seihā kasā tharan, nana makhamayā mi leisaakha pheomihaifalu; chithākha kazingramli khalei nathumwui Avānala nawui khayon pheomira.

ROMNAO 12:21

Makaphā china nathumli mayui ngasaklu; kha makaphāli kaphā eina yuikhuilu.

EPHESIANAO 4:26

Malungvāt ngaroklala morei masaalu kala langpongda malungmavātalu.

EPHESIANAO 4:31

Ningkakhā, ningkachot, malungkhavāt, khonkazār, khamashāt, kala yangkharing khangarok saikora chi horserhaolu.

COLOSSIANAO 3:13

Nathum akha eina akha ya jimi ngaroklu. Khristana pheokhami thada nathum akha eina akha pheomi ngarokphalungra.

1 TIMOTHY 2:8

Chiwui vang eina mayarnaobingna kakhararla, malungkhavātla maleila apam kachiva̱li pāng khangkāda seihā sāmi ngasakngai.