MATTHEW 18:15 - Kathara Bible (BSI)

¹⁵ “Nachināna nawuitungli khayon sāhaiakha, ali vālaga nanimāng ngasopamlaga awui khayon chi hāngmilu, ana mayākha nana nachināli yuikhuihaira.

MATTHEW 18:15 Iomraidhean Croise

LAA 141:5

Kaphā mina lukhamashan eina ili shaoranu lah machinranu, kha makaphā miwui thao ikuili maneomiranu; kaja athumwui makaphā chili mamayāmada ina seihā sāchinga.

CHĀNSAM 11:30

Khangarongawui atheiva mirinwui thingrongna, kha ain makhangākana manglā khui.

PĀNGMONSHI 19:17

“Nachināli maningkachaipaimana, kha nawui khongnainaoli ngachamkhuilu, chi maningakha na awui vang morei phungra.

MATTHEW 18:14

Chieina kateowa hibingwui ngachaili akha shiman ngasaki kaji hi kazingramli khaleia iwui Avāwui ningkachāng maningmana.

MATTHEW 18:21

Chiwui thili Peterna ali rāhānga, “Proho, ichināna iwuitungli kayākhashida khayon sāpaira, kala ina pheomipairakhala? Shini shira̱lā?”

MATTHEW 18:35

Chithada sāda nathumna nachinā ngarāwui khayon khamāng chi wuklung eina mapheomiakha kazingramli khaleia iwui Avā chinala nathum kachiva̱li chithada sāra.”

ROMNAO 12:21

Makaphā china nathumli mayui ngasaklu; kha makaphāli kaphā eina yuikhuilu.

1 CORINTHNAO 8:12

Hithada sāda, mashun-makhui makatheia navānao ngarāwuitungli morei sāda athumwui ningli khamā za̱khangasak chi Khristawuitungli morei kasāna.

2 CORINTHNAO 7:12

Chieina ina nathumli chithada kapihaisālala, khayon kasāpāwui vang einala maningmana kala khayon maleilala kachot samphang kahaipāwui vang einala maningmana. Kha Varewui miktāli nathumna ithumwui vang sāngairareo kahai khalei chi phongkhavai kagapina.

GALATIANAO 6:1

Ivānaongarā, kachikathāna khalāng ot kasā theiakha manglārinli khangaphumbing nathumna ali mashungkhuimiphalungra, kha chi malungkhanim eina sāphalungra. Nathum khalatta kasuili matāzang khavai ning ngasharlu.

COLOSSIANAO 3:13

Nathum akha eina akha ya jimi ngaroklu. Khristana pheokhami thada nathum akha eina akha pheomi ngarokphalungra.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.

2 THESSALONICANAO 3:15

Kha ali yangkashena da makhuihaila achinā akhana da machinlu.

TITUS 3:10

Kaikhangasaka mi chili khani shida hāngmachinlu. Chiwui thiliva khikha mahāngluilu.

1 PETER 3:1

Hithada sāda preiva̱ ngarā, nathum khalatta gahara ngarāli hamsanglu. Chieina athum kaikhana Vare tui hili mashitsangsālala nathumwui acham-aramna athumli yuikhuida shitsang ngasakakha nathumna tuikhur akha hānglui khavai maleiluimana.