MATTHEW 18:10 - Kathara Bible (BSI)

¹⁰ “Naoshinao kateowa akhalila ningachai kahai masaalu, khikhalajila nathumli kahāng hina kaja athumwui kazingraobingna kazingramli khaleia Ishāvawui mai theichingda lei.

MATTHEW 18:10 Iomraidhean Croise

2 SAMUEL 14:28

Chithāda Absalomna awungawui ngalemli mavālakla Jerusalemli kum khani peida pama.

1 WUNGNAOBING 22:19

Micaiahna hānga, “Chiwui vang Prohowui tui nganālu: Prohona wungpamkhongli kapam ina thei, kala kazingramwui mi ashangva̱, saikorana uishong yāshong kuimareida khanganing chi thei;

ESTHER 1:14

Carshena, Shethar, Admatha, Tarshish, Meres, Marsena kala Memucan athum Persia kala Mediawui wungnao shini hina wungramwui kharebing sāthuda ali ngalempama—:

LAA 15:4

awui mikyanli makaphāli ningkakachaiya, kha Proholi khangacheebingli khayākashe; kakhanang kayākha rālala ngashit kahai chieina makhangacheia;

LAA 17:15

Kha iva khamashung-khangarong eina nali yangra, ina ngakarkathui tharan nazak theilaga ningyāng unglakhaora.

LAA 34:7

Prohowui kazingraona ali khangacheebingli kuinama, kala athumli kanshokmi.

LAA 91:11

Kaja nawui kazat pam saikorali mayonmi khavai awui kazingraoli kasora.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

ZECHARIAH 4:10

Khikhalajila kachikathāna kateowa otwui vang ngalang shivāmakha ringphāra, kala Zerubbabelwui pāngli tamkhavai ngalung kasing theira. Shini hi okathui hupta yangkhavai Prohowui mikna.”

MATTHEW 1:20

Kha ana hiwui pongli machukta leilakha, yanglu, Prohowui kazingrao akhana awui mangshongli rāhānga, “Davidwui naomayara, Joseph, napreiva̱ Maryli khuikida mangacheealu, kaja ana vaida khalei chi Manglā Katharawui pangshap einana.

MATTHEW 12:20

teknanai kahai titila ana masātekmara, mitnanai kahai meiwonla masāshimitmara, mashun china mayuiranglakha eina tangda;

MATTHEW 18:14

Chieina kateowa hibingwui ngachaili akha shiman ngasaki kaji hi kazingramli khaleia iwui Avāwui ningkachāng maningmana.

MATTHEW 18:6

“Kha kachikathāna ili shitkasanga kateowa naoshinao akhali morei sāngasakakha chikathā mili lungriham kahaka akha akahungli hokthangmihailaga kathuka shamadruli hikthat ngasak kahaina phāmei.

MATTHEW 2:13

Athum zatkahaiwui thili yanglu, Prohowui kazingrao akhana mangshong Josephli ramahāda hānga, “Ngakarthuilu, angāngnao eina ava̱li khuiphungda Egyptli yāmvaulu, kala ina pao mashirātranglakha eina tangda chili pamsālu; kaja Herodna angangnao chili sāthat khavai phāki jiura.”

MATTHEW 2:19

Herod thikahaiwui thili Prohowui kazingrao akhana mangshong Josephli ramahāda hānga,

MATTHEW 24:31

kala kapanga talla̱khon eina ngasoda ana awui kazingraobingli chihoshokra kala athumna awui kapangkakhui mibingli achikun matiwui eina, kazingram akatang akhawui eina akatang akhali vāshungda khaleibingli kazipkhuira.

LUKE 1:19

Kazingrao china ali ngahānkai, “I Varewui mangāli khanganinga Gabrielna, nali ngazek khavai kala khamathā chānpao hi khuirāmi khavai ili chihokharāna.

LUKE 10:16

“Nathumli khanganā mi chi ili khanganāna, kala nathumli makhamayā chi ili makhamayāna, ili makhamayā chi ili kashirātali makhamayāna,” da Jishuna sākhangatha̱bingli hānga.

LUKE 16:22

“Khaleilaga kachāma chi thihaowa kala kazingraobingna ali Abrahamwui makāli khuikai. Kashānga chila thihaida chifahaowa;

OTSAK 10:3

Chithangwui pung kachiko sha̱kha katā atamli, Varewui kazingrao akhana awuili kharā chi tarārik eina mahāmida thei kala “Cornelius” da hoi.

OTSAK 12:15

Chieina athumna, “Na pāhaira” ji. Kha ana “Kachangkhatna” da hānga. Chithākha “Chi awui kazingraona” da athumna hānga.

OTSAK 12:23

Ngalangda Prohowui kazingraona yapkārsanghaowa, khikhalajila Herodna Vareli mamasotchikatmana; kala ali kachaina shaida thihaowa.

OTSAK 27:23

Kaja āngayā, ina khokharuma iwui Varewui kazingrao akha ili rāda

OTSAK 5:19

Kha ngayāshong Prohowui kazingrao akhana phātop shimwui khamongbing chi shomihailaga athumli khuishokta hānga,

ROMNAO 14:10

Nachināwuitungli khisāda bichar sākhala? Khisāda mana̱shikhala? Ithum Varewui bichar sākhavai karotli kānganingsera.

ROMNAO 14:21

Khamashunga otsak chiya: nachinā ngarā konglui khavai leiakha sā makashai, zamkhor makhamang mashunga.

ROMNAO 15:1

Shitkasang khangatara ithumna khangazanbingli athumwui makathuk chili ngachonmiphalungra, kala ithum khalattawui ningyāng ungkhavai masāphalungmara.

1 CORINTHNAO 11:22

Nathumwui phāshak phazā khavai shim maleithulā? Chi maningakha nathumna Varewui churchli makachāplā kala kachāmbingli khayak khavai kasāla? Ili khi hānglu jikhala? Hiwui vang nathumli solu kajila? Maningphutmana, masolakmara.

1 CORINTHNAO 16:11

Khipānakha ali mashitkasang masaalu. Kha awui kazazatli mahapkhano khavai ngachonmida iwuili hanung ngasakmilu, kaja ā avānaobingli ngasoungra da honda lei.

1 CORINTHNAO 9:22

Shitkasang khangazanbingwui ngachaili athumli yuikhui khavai ila athum akha thada khangazana ngasāhaowa, chithada sāda apong aning-anangva̱ eina athum kaikhali huikhui khavai ina mi kachiva̱li athum thada ngasotheisera.

2 CORINTHNAO 10:1

Ngasopamlakha nimsorhai, tāda pamakha sāshilak kaje Paul, ina Khristawui khanim kala khangahui eina nathumli kapona.

2 CORINTHNAO 10:10

Kaja athumna hānga, “Awui chithi tui ritlaka kala khālaka, kha ngasokapam tharan ā khalattava akachanga mila maningmana kala akachanga tuila mamatuimana!

GALATIANAO 6:1

Ivānaongarā, kachikathāna khalāng ot kasā theiakha manglārinli khangaphumbing nathumna ali mashungkhuimiphalungra, kha chi malungkhanim eina sāphalungra. Nathum khalatta kasuili matāzang khavai ning ngasharlu.

1 THESSALONICANAO 4:8

Chiwui vang eina tui hili mahengkasangapā china mikumoli maningla kha nathumli Manglā Kathara sangkhame Vare chili mahengkasangna.

1 TIMOTHY 4:12

Na nganuida leiya da mi khipānakha machipat ngasakalu, kha katharli, shitkasangli, leikashili, kasākhavāli kala tuimatuili shitkasangbingna ngayokhavai sālu.

HEBREWNAO 1:14

Athum hi kahui samphangki kaje athumli otram ngatha̱mi khavai chihorā kahai sheba sāme manglābing maningmala? Kala huimiki kajibingli ngachonmi khavai chihokharā manglā maningmala?

HEBREWNAO 9:24

Kaja akachangwui amahā kasā mikumona sākakhui Kathara Pam chili Khrista mazangmana, kha kazingramli zangda Varewui mangāli ithumwui vang nganingmida lei.

PHONGKHAMI 8:2

Chiwui thili Varewui mangāli kazingrao shini khanganing chi ina thei, kala athumli talla̱ shini mihaowa.