MATTHEW 17:5 - Kathara Bible (BSI)

⁵ Ana matuimahunglakha, yanglu, horchamri kahai muiyāna athumli ngapuikhamhaowa kala muiyālungwui eina akhon akha vaorada, “Hi iwui khaluma Naomayarana, ali Ina ningyāng unglaka, awui kahāng nganālu.”

MATTHEW 17:5 Iomraidhean Croise

JOBWUI LAIRIK 38:1

Chiwui thili Prohona sur akhanin eina Jobli ngahānkai:

LAA 81:7

Kakhanang alungli nana ngakaowa, kala ina nali khāngkhuimi; khangathuma langpar katāk atamli ina nali ngahānkāmi; Meribahwui tara̱li ina nali tamyanga.

SHONGZĀ 19:19

Talla̱khon chi pangmamān kaji eina Mosesna matuiphoka kala Varena khangashumkhon eina ngahānkai.

ISAIAH 42:1

Yanglu, ina pangkhangasaka iwui rao, ina kapangkakhua, iningna kapena; ina iwui Manglā ali sangmihaira; yurbingli ana mashun khuirāmira

ISAIAH 42:21

Awui khamashung khangarong mangā eina Prohona ningyāngunglaka, awui ain reisangda tekmatei khavai.

MATTHEW 12:18

“Yanglu, ina kapangkhui kahaia rao, iwui khaluma kala ina ningyāngkhaunga. Ina ali iwui Manglā sangmira, kala ana Gentilebingli mashun bichar vaomalānmira.

MATTHEW 17:6

Sākhangatha̱bingna chi kashā eina ngacheenāhaida ngakhumzangsera kala khakshingakhaowa.

MATTHEW 3:17

Kala yanglu kazingramwui eina akhon akha vaorai, “Hi Iwui khaluma Naomayarana, Ina ali ningyāng unglaka.”

MARK 1:11

kala kazingramwui eina akhon akha vaorai, “Na iwui khaluma Naomayarana, Ina nali ningyāng unglaka.”

MARK 9:7

Chiwui thili muiyā ngapuiungda athumli rommithaowa kala muiyālungwui eina akhon akha vaorai, “Hi iwui khaluma Naomayarana, awui tui nganālu.”

LUKE 3:22

kala Manglā Katharana nasha̱wui azak khuida awuitungli tapa̱ya kala kazingramwui eina akhon akha vaorai, “Na iwui khaluma Naomayarana, Ina nali ningyāng unglaka.”

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

JOHN 3:35

Avāva̱na Anaomayarali leishiya kala ot saikora awui pāngli horsangmi kahaina.

JOHN 5:37

Ili kashirāta iwui Avāna iwui shākhina. Nathumna awui khon mashālakranga, azakla matheilakranga.

OTSAK 1:9

Hi hānghailaga athumwui miktāli ali khuikāhaowa, kala muiyāna tākhaluikhuida chiwui alungli shimānhaowa.

OTSAK 7:37

‘Varena ili shokkhangasak thada nathumwui vang nachinā ngarāwui eina marān akha shokngasakra’ da Israelnaobingli kahāng chi Moses hilaka.

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

KHALATLUI 18:15

“Nathumwui ngachaili nachinā ngarāwui eina I kathā marān akha Proho nathumwui Varena shokngasakra, nathumna awui tui khuira—

KHALATLUI 18:19

Kala iwui tui ana hānglaga kachikathāna makhuisangakha, chipale I khalattana athut hāngsangra.

KHALATLUI 5:22

“Tuibing hi, phungreili nathumna kazipserda leilakha, meilungwui eina, muiyālungli, kala tangmangting kahai chili akhon panglāk eina Prohona kahāngna; chili lāngda ana khangatei mahāngluimana. Kala ana lungphek khanili kapisanglaga ili mi.

COLOSSIANAO 1:13

Ana tangkhamangwui eina ithumli kanshokmida awui khaluma Naomayarawui wungramli khuiungmihaira.

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 14:14

Chiwui thili ina muiyā kachara akha thei, kala muiyātungli miwui Naomayara thada akha pama. Akuili sinā kuihon ngahona, kala kazanna chāngkui akha singa.