MATTHEW 17:4 - Kathara Bible (BSI)

⁴ Kala Peterna Jishuli hānga, “Proho, ithum hili leikasā hi phālakhaira. Nana mayāmiakha nawui vang akha, Moseswui vang akha kala Elijahwui vang akha da ina rāmnao kathum sāmiga.”

MATTHEW 17:4 Iomraidhean Croise

LAA 16:11

Nana ili kharinga apong chitheimi; nawui mangāli khamathān pemtinghai, nawui yāpangli katang makhavai ringkaphā lei.

LAA 4:6

“Iyavo, ithumna kaphā katheisi kaja chong! O Proho, nawui zakmai kahor ithumli chitheimilu!” da kahāng kachungkha lei.

ISAIAH 33:17

Nawui mik eina awungali awui khamathā alungli theira; lam khamashā chi namikna theira.

ZECHARIAH 9:17

Mha, chi kayākha phā, kayākha mathāra! Mayar ngalābingli theishirai kala kadhara drakhātheina pangsang ngasakra, kala mayā ngasakra.

MATTHEW 17:3

Kala yanglu, Moses eina Elijahna Jishuli chān khangazek chi athumna thei.

LUKE 9:33

Mi khani china Jishuwui eina thuikahai eina, Peterna ali hānga, “Amei, ithum hili leikasā phālakhaira; ithumna rāmnao kathum sākhuisa, nawui vang akha, Moseswui vang akha kala Elijahwui vang akha”— Ana khi kahāngkhala kaji matheimana.

JOHN 17:24

“Avā, nana ili mikahaia athum, apuk-apagva̱ masāranglakha nana ili leishida mikahai tekhamatei chi yangkhui khavai, I khalaleipamli athumlila leingasakngai.

JOHN 7:2

Chitharan Jihudiwui Tabernacle phanit nganailakhairasai.

PHILIPPINAO 1:23

Khani hiwui ngachaili kapangkhui khavai iwui vang saklaka. Thihailaga Khristali ngasokapam hi iwui ningkachāngna, chi phāmeikhara.

1 JOHN 3:2

Leikashebing, ara ithum Varewui naongarāna. Kha ithum naoda kathasānikhala kaji arui matheirarmana. Chithālala ithumna thei kaja Khristana kharā tharan ithumla a thahaora kala a hithālaka kaji ithumwui mik eina theira.

PHONGKHAMI 21:23

Kala keinung chili hormi khavai zimikla kachāngla khikha masāvaimana; kaja Varewui tekhamateina chiwui kahorna, kala Yaonaona chiwui thaomeina.