MATTHEW 17:23 - Kathara Bible (BSI)

²³ athumna ali shaothatra; kha kathumthangwui thili ringshokluishitra.” Chieina sākhangatha̱bing wukhananglakhaowa.

MATTHEW 17:23 Iomraidhean Croise

LAA 16:10

Kaja nana ili Kazeiramli machihovamana; nawui kathara chili Chomli mavāngasakmana.

LAA 22:15

iwui yāng hamkai thāda thenghaira, kala imalela makhāli ngashanghaira, nana ili kathiwui chifalungli chipethai.

ISAIAH 53:7

Ali rekharekta chotngasaka, kha ana khikhakkha mashokmana; shaothat khavaipamli thānkhava yaonao thāda kala yaohah kachichāpwui mangāli akhak makashoka yao thāda, ana akhamor mamakālakmana.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 16:21

Atam chiwui eina thuida Jishuna awui sākhangatha̱bingli, ana Jerusalemli vālaga ararnaobing, pāngmon akhokabing kala ain kathembingwui eina kachotkachāng tarākha samphangra kala shaothathaora kha kathumthangwui thili ringshokluishitra kaji chitheiphokhaowa.”

MATTHEW 17:9

Athumna phungreiwui eina katā tharan Jishuna athumli, “Miwui Naomayarana kathiwui eina maringshokranglakha eina tangda khamahā hi khipālikha mahāngalu” da ningmi.

MATTHEW 20:19

Kala ali mana̱shi khavai, ngaphit khavai kala krushtungli shaoshān khavai Gentilebingwui pāngli horsangmira; kala kakathumathang ali ngakarthuilui ngasakhaora.”

MATTHEW 27:63

hānga, “Amei, kakapika mayara china ringda leilakha, ‘Zimiksho kathumthangwui alungli ina ringshokra’ da hāngkahai chi ithumna phaningunga.

MARK 8:31

Kala ana awui sākhangatha̱bingli, miwui Naomayarana apong kachungkhali kakhanang kachot samphangra kala kathānabing, pāngmon akhokabing kala ain kathemabingna mamayāmada ali shaothatra, kha kathumthangwui thili ringluira da tamchitheiphokuwa.

MARK 9:30

Athumna chiwui eina zatlaga Galilee akāna. Jishuna mi khipālikha a khaleipam mathei ngasakmana;

JOHN 16:6

Kha ara ina hikathāthā kahāngwui vang nathum wukkakhanangna pemhaira.

JOHN 2:19

Jishuna ngahānkai, “Khorumshim hi sākhaihaolu, laga ina kathumthangwui alungli sakāluira.”