MATTHEW 17:2 - Kathara Bible (BSI)

² Kala athumwui miktāli Jishu azak onhaowa: amai zimik thada horra kala awui kashankachonla kahor thada charshihai.

MATTHEW 17:2 Iomraidhean Croise

LAA 104:2

kahorna kachon thāda na khalatta ngavai, kachonshim thāda kazing chi nana hārhai,

SOLOMONWUI LAA 6:10

“Ngathor kazingkathang kathāva̱, kachāng thāda yangkhangaiva̱ zimik thāda kahorva̱, raimi thāda sākashe philān kasinga kathāva̱ chi khipākhala?”

MATTHEW 17:1

Kala zimiksho tharuk thangwui thili Jishuna Peter eina James kala agato Johnli thānphungda phungrei kajuiva̱ akhali kāda athummang apama.

MATTHEW 17:3

Kala yanglu, Moses eina Elijahna Jishuli chān khangazek chi athumna thei.

MATTHEW 28:3

Awui zakmai chi rikhān khangashei thai kala awui kashankachon chi horām kachar thai.

MARK 9:3

kala awui kachon hānshi eina charshihai kala okathuili kachon khangasa̱ minala chithada ngasa̱khuikapai maningmana.

LUKE 9:29

Ana seihā sāmahunglakha awui zakmai onhaowa, kala awui kachonla charshi eina horchamrihai.

JOHN 1:14

Kala Tui chi asā ngasāhaowa kala lukhamashan kala khamashung pemting eina ithumwui alungli raokthui. Avāvawui Naohonaotong sāda ana samkaphang awui tekhamatei chi ithumna yanga.

JOHN 17:24

“Avā, nana ili mikahaia athum, apuk-apagva̱ masāranglakha nana ili leishida mikahai tekhamatei chi yangkhui khavai, I khalaleipamli athumlila leingasakngai.

ROMNAO 12:2

Okathuiwui khangachāli mangarumhaialu, kha nathumwui ning chi onchang onngasaklu. Chieina nathumna Varewui ningkachāng kaphā, ningyāng ungkapai kala kākashung chi khikhala da theipaira.

PHONGKHAMI 10:1

Chiwui thili pangshap khalei kazingrao akha kazingram eina katā ina thei. Muiya eina romma, akuili changjeengawuta; amai zimik thada horra kala aphei meiwui pakra̱ thai.

PHONGKHAMI 20:11

Chiwui thili charshi kahai wungpamkhong kahakva akha chili kapama chili thei, awui mangāli kazingla okathuila shimānhaida athumwui pam maleisāmana.