MATTHEW 17:17 - Kathara Bible (BSI)

¹⁷ Chieina Jishuna ngahānkai, “He shitkasang makhaleia ngakaikashe thot, ina nathumli karankha ngasopamfara? Ina nathumli karankha ja̱mifarakhala? Ali iwuili khuirālu.”

MATTHEW 17:17 Iomraidhean Croise

LAA 95:10

Kaja zingkum hangmatiwui vang ina thot chili ningkachai, “Athum ning makathara, iwui pongli matheikhame mibingna” da ina hānga.

SHONGZĀ 10:3

Chieina Moses eina Aaronna Pharaohli vāda hānga, “Hebrewwui Proho Varena hithāda hānga, ‘Iwui mangāli nana karankha mahamsangngaimarakhala?’ Ili otram ngatha̱ khavai iwui mibingli chihohaolu.

SHONGZĀ 16:28

Kala Prohona Mosesli hānga, “Karankha eina tangda nathumna iwui ningkhami kala ain manganāmarakhala?

CHĀNSAM 1:22

“O ningkashambing, nathum karankha ningshamfarakhala? Mashātkatheibingna karankha khamashātli mathanra̱ kala mangkhama̱bingna aworli ningkachaira?

CHĀNSAM 6:9

O chāngshe, na chili karankha pifarakhala? kapiwui eina na katharan thuira?

ISAIAH 19:14

Prohona pa̱khangapāwui ning sangmihaira; kala khamaripa mina yuichāchāng malokazat thāda; otsak saikorali athumna Egyptli ngayit ngasakhaira.

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

MISHĀN 14:11

Prohona Mosesli hānga, “Miyur hina karankha ili makhuisangmarakhala? Kala athumwui alungli matakhak kahai ot ina kachungkha sāchitheihailala athumna karankhawui vang ili mashitsangmarakhala?

MISHĀN 14:27

“Karankha makhayā yarui ashangva̱ hina iwuitungli ngurngur matuira? Israel mibingna iwuitungli ngurngur khamatui saikora ina shāhaira.

MATTHEW 13:58

Kala athumna mashitkasangwui vang ana apam chili matakhak kahai ot kachungkha masāmana.

MATTHEW 16:8

Kha Jishuna chi theihaoda hānga, “He shitkasang kateobing, khamui makhuikaphungwui vang nathum khisāda ngazek ngarokhala?

MATTHEW 17:16

Ina ali nawui sākhangatha̱bingwuili khuirai kha athum maraimirarthuwa.”

MATTHEW 17:18

Jishuna kameo chili kakaso eina kameo chi shokhaowa kala naoshinaopā chi ngalāngda raihaowa.

MATTHEW 6:30

Luili aja wonlaga akhama meilungli horsanghaokikaje awonrongbingli Varena chiyākha mathada sāmiakha, nathumli ana sakmataimeikharda masāmimaralā? O, shitkasang kateoabing!

MATTHEW 8:26

Ana athumli hānga, “Khisāda nathum ngacheehaokhala? He shitkasang makhalei mibing!” Chiwui thili ana ngakarthuida masi eina shamadru chili chingrihai kharara, chieina va̱rihaowa.

MARK 16:14

Naomeikapta athum tharāda akha chi phazā mahunglakha Jishu rai; ana athumwui mashitkasang kala ning khamakangwui vang, kaja a ringshok kahaiwui thili ali katheibingwui tuili mashitkasangwui vang khararra.

MARK 9:19

Chieina ana athumli ngahānkai, “O shitkasang makhalei thot, ina nathumli karankha ngasopamfarakhala kala samifarakhala? Iwuili khuirālu.”

LUKE 24:25

Chieina Jishuna anili hānga, “O mangkhama̱ khani! Marānbingna hāngkahai saikora chili mashitkasang!

LUKE 9:41

Jishuna ngahānkai, “He shitkasang makhaleia kala mashongachei kahai mithot, ina nathumli karankha ngasopamfara kala ja̱mifarakhala? Nawui nao chi hili khuirālu.”

JOHN 20:27

Kala Thomasli hānga, “Napāngmareng hili rāhailu, kala ipāngli yanglu, napāng katingrāda iwui arili khamāyanglu. Ning khamaong masaalu, kha shitsanglu.”

OTSAK 13:18

kala lamhāngli zingkum hangmati athumli ja̱miya.

OTSAK 2:40

Peterna khangatei tui kachungkha eina shākhi mida athumli kasatsangda poi, “Makhamashunga mithot hiwui eina yāmshok khavai sālu.”

2 CORINTHNAO 11:1

Ina mangma̱sālala chi khayangmilu. Ya kajimilu.

KHALATLUI 32:5

Athumna ali khamakhao otsakmāng sai, athum awui naongarā maningluimana kaja athumna sāmakhao kahaiwui vang; athum hiya makaphā makhayā thotna.