MATTHEW 16:27 - Kathara Bible (BSI)

²⁷ Khikhalajila miwui Naomayarana awui kazingraobingli ngasoda Avāwui tekhamatei eina rāki kajina, kala chiwui thili mi kachiva̱li kachichāna sākahai chiwui athishurda ana runmira.

MATTHEW 16:27 Iomraidhean Croise

JOBWUI LAIRIK 34:11

Kaja kachichāwui otsak athishurda kachichāna samphangra, kala awui apong athishurda hi awuitungli tāra.

LAA 62:12

kala O Proho, makhangachei leikashi nawuina. Kaja miwui otsak athishurda nana hanmiya.

CHĀNSAM 24:12

Nathumna “Yanglu, ithum hi matheisamana” da hāngakha, ningla theiser kaje china matheimarala? Namanglā mayonkhame china matheimarala? Kala ana kachichāwui kasā athishurda athut makhuimimarala?

HĀSHOKME 3:17

Ina ningli phaninga, Varena khamashungalila, makhayaalila bichar sāra; kaja ana ot kachiva̱ kala otsak kachiva̱wui vang atam akha rethaira.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

JEREMIAH 32:19

thangkhamei ngalat kahai sāshap-pangshapana; mibingwui apong saikora theishapser kaje, kala mi kachiva̱li awui apong kala otsakwui athei athishurda nana sāman mi;

EZEKIEL 18:20

Morei kasā manglā chi thira. Avāva̱wui moreiwui vang naomayarana makhanangpaimana, lah naomayarana morei kasāwui vang avāva̱ makhanangpaimana; khamashungawuitungli khamashung khangarong tāra, kala makhayā mi chiwuitungli makhayā tāra.

EZEKIEL 7:27

Awungana sifara, wungnaona ning thenghaora; kala ngalei chiwui mibingwui pāng khangacheena sheisha̱haora. Athumwui shongpong athishurda inala athumli sāmira, athumwui bichar athishurda athumlila bichar sāra; chieina I Prohona da athumna theira.”

DANIEL 7:10

Awui ngalemwui eina meiwui kong akha longshoka; thing-thingna ali otram ngatha̱mi, thingtharā shidawui thingtharāna awui mangāli nganinga: chiwui thili bichar sāphoka, kala lairikla hārserhai.

ZECHARIAH 14:5

Nathumna phungrei khani sāda ngakai khavai tampāk eina yāmshokra; nathumna navā ngarāna Judahwui awunga Uzziahwui thotli neina̱ kakhanukli khayām thāda yāmra. Chiwui thili Proho nawui Vare rāra, kala katharabing ali ngasoda rāra.

MATTHEW 13:41

Mibingli morei kala makaphā makhayā sakhangasaka athumli wungramwui ayarli kazipkhui khavai miwui Naomayarana awui kazingraobing shivātra,

MATTHEW 13:49

Okthot akatangli chithada shokra. Kazingraobingna shokta makaphābing chi khamashung khangarongbingwui eina ngatei ngasakra,

MATTHEW 24:30

chiwui thili kazingramli miwui Naomayarawui machut chi theira; kala okathuili khalei miyur saikorana chapra, kala miwui Naomayarana pangshap kala tekmateilak eina muiyātungli tongda kharā theira;

MATTHEW 25:31

“Miwui naomayarana awui tekhamatei eina kazingraobingli ngasoda kharā tharan, Ishameina awui tekhamatei wungpamkhongli pamra.

MATTHEW 26:64

Jishuna ali ngahānkai, “Chi nana hānghaira. Kha kachangkhat eina ina nathum saikorali kahāngna, aruiwui eina thuilaga miwui Naomayarana Sāshapawui yāshong kapam kala muiyātungli tongda kharā nathumna theira!”

MATTHEW 8:20

Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

MARK 14:62

Kala Jishuna hānga, “Ilaka, kala miwui Naomayarana Pangshapwui yāshong kapam kala muiyā tongda kharā nathum saikorana theira.”

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

LUKE 21:27

Chiwui thili athumna miwui Naomayarana hakkhamahā pangshap kala tekhamatei eina ngasoda muiyā tongda kharā theira.

LUKE 22:69

Kha aruiwui eina thuilaga miwui Naomayarali Varewui pangshapwui yāshong chipamhaora.”

LUKE 9:26

Kachikathā mina iwui vang kala iwui tuiwui vang khayakakha miwui Naomayarana awui tekhamatei kala Avā eina kazingraobingwui tekhamatei eina rāthanghon awui vangla khayakhaora.

JOHN 21:22

Jishuna ngahānkai, “I marāranglakha eina tangda ina ali leisa ngasakngai jilala, china nali khi saura? Ithi shurmalu.”

JOHN 21:23

Chieina sākhangatha̱pa hi mathimara da Jishuwui kashurabingwui ngachaili pao hi ngayaohaowa; thalala Jishuna chi kahāng maningmana; ana kahāngva, “I mararanglakha eina tangda ina ali ringsā ngasakngaiakha, nali china khi sara̱khala?” kajina.

OTSAK 1:11

“Galileenaobing, nathum kachiwui vang eina kazingramli ngashānkhayangkhala? Nathumwui eina kazingramli khuikā kahai Jishu hi, arui kazingli khuikakā kathei hi tākam eina ana latrāluira.”

ROMNAO 14:12

Chieina ithum ichichāna sākahai chi Vareli chitheira.

ROMNAO 2:6

Kaja Varena mi kachiva̱li kachichāwui otsak athishurda sāman mira.

1 CORINTHNAO 15:23

Kha mi kachiva̱ ringkhalui hi khari khanao ngavāra, chiya rimeikapta Khrista, chiwui thili awui latkharā tharan awui ngasā kahaibing,

1 CORINTHNAO 3:13

kha Khristawui Zimikshothang mi ava̱va̱wui otsakwui magun phongshokra; kachangkhat otsak chiwui magun chi mei eina chāng yangra.

1 CORINTHNAO 8:8

Ithumli kashakazā china Vareli nganai ngasaki kaji maningmana, chi mamang mazālala kashimān maleimana; manglala, zālala katong maleimana.

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

EPHESIANAO 6:8

Phaningunglu kaja raolapai, ningkhān kahailapai, ana sākahai kaphā ot chiwui vang Prohona mi kachiva̱li sāman mira.

COLOSSIANAO 3:25

Makaphā kasā mi chili awui otsak athishurda kashong rāngra, kachiwui vangkhala kaja Varena mi kachiva̱li mimai mayangla bichar sai.

1 THESSALONICANAO 1:10

Ithumli rāki kaji malungkhavāt chiwui eina kanshokkhame, kathiwui eina Varena ringkhangasaka Anaomayara Jishuwui pongli athumna ngazeksera.

1 THESSALONICANAO 4:16

Chithang ningkhamiwui kakaso khavao, kazingrao akhavāwui akhon, kala Varewui talla̱khon eina ngasoda Proho a khalatta kazingramwui eina rāra. Khristali shitsangda thikahaibingna rida ringshokra.

JAMES 5:7

Ivānaongarā, Prohona marāranglakha eina tangda khāngtheilu. Lui khavā mina ngaleiwui heithei samphang khavai zur, kān mateila zingrotra̱ ngaraipama.

1 PETER 1:17

Nathumna Vareli seihā kasā tharan Avā da hoi. Ana saikorali kachichāna sākahai chiwui athishurda ngaraichā eina bichar sai. Chieina okathuili ringda leilakha ali khayākashi eina ngasoda okthuilu.

1 JOHN 2:28

Ara naoshinaobing, ali leichinglu, chithākha ana rāthanghon khayakta mangathumla pinglak eina samphangshapra.

JUDE 1:14

Adamwui naothot kashine Enochna athumwui pongli rida marānhaikasā chiya: “Yanglu, Prohona, kathara kazingrao thingthingli ngasoda rāra.”

PHONGKHAMI 1:7

Yanglu, ana muiyā tongda rārāli, mi kachiva̱na ali theira; ali kharungbingla theira; kala awui vang okathui miyur saikorana chapngachāra. Chitharanu, Amen.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.