MATTHEW 16:23 - Kathara Bible (BSI)

²³ Kha ana ngareivāda Peterli hānga, “Iwui khanukshong unghaolu, Satan! na ili sheikakhautana; kaja na Varewuishong maningla mikumowuishong lei.”

MATTHEW 16:23 Iomraidhean Croise

HAOKAPHOK 3:17

Kala Adamli ana hānga, “Nana napreiva̱wui tui khanganāwui vang, kala ina nali ‘Chi mashaialu’ da kaso kahai thingthei chi kashaiwui vang ngalei hi nawui vang eina khonkashi ngasāhaira; nawui mirin peida chotlak eina ot sāda phāshak phazāra,

2 SAMUEL 19:22

Kha awungana hānga, “Zeruiahwui naomayarabing, iwui pongli khi hāngsang khavai leikhala? Kaja aja nathum iwui yangkashi sāhaorala? Aja Israel akhali shaothatkapai atamla? Kaja aja I Israelwui awungana kaji ina matheithula?”

1 THOTRINCHĀN 21:1

Satanna Israelli yangshihaida, mi mashing shānkhavai Davidli rāsui.

ISAIAH 8:14

Kala ana katharapam ngasāda, nganingkakham lunggui, Israelwui shimkhur khaninili phei ngaphok khavai lunghar, kala Jerusalemwui mibingli mankhavai khalen ngasāra.

MATTHEW 16:22

Kala Peterna ali hokhuilaga kaharphokta hānga, “Varena mamayāmana, Proho! Nali chithada mashoklakmara.”

MATTHEW 18:7

Morei sākhavai kasuiwui vang okathuili kakhanang ngasaranu! Kaja kasui hi rāphalungra, kha kasui rākhangasaka mi chi kakhanang ngasaranu!

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MARK 8:33

Kha Jishuna ngareiungda sākhangatha̱bingli yanglaga Peterli kaharda hānga, “Ikhanukshong unghaolu, Satan! Na Varewuishong maningla mikumowuishong lei.”

LUKE 4:8

Chieina Jishuna ngahānkai, “Hithada kapihaida lei, ‘Nana Proho nawui Varemāngli khorumra, kala amāngli otram ngatha̱ra.’”

JOHN 6:70

Jishuna ngahānkai, “Ina nathum tharāda khanili kapangkakhui maningmala? Kha nathumwui ngachaili akhava chipeena.”

ROMNAO 14:13

Chithākha ithum akhana akhawuitungli bichar masā ngarokluisa. Kha achinā akhali phei mangaphok khavai lah moreili matāzang khavai sāthusa.

ROMNAO 14:21

Khamashunga otsak chiya: nachinā ngarā konglui khavai leiakha sā makashai, zamkhor makhamang mashunga.

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

COLOSSIANAO 3:2

Nathumwui ning chi okathuiwui otbingli maningshaialu kha kazingramwui otbingli ningshailu.