MATTHEW 16:21 - Kathara Bible (BSI)

²¹ Atam chiwui eina thuida Jishuna awui sākhangatha̱bingli, ana Jerusalemli vālaga ararnaobing, pāngmon akhokabing kala ain kathembingwui eina kachotkachāng tarākha samphangra kala shaothathaora kha kathumthangwui thili ringshokluishitra kaji chitheiphokhaowa.”

MATTHEW 16:21 Iomraidhean Croise

NEHEMIAH 12:7

Sallu, Amok, Hilkiah, Jedaiah. Hibing hi Jeshuawui atamli leikasā pāngmonbing kala athumwui achinā ngarāwui akhokabingna.

MATTHEW 12:40

Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

MATTHEW 16:22

Kala Peterna ali hokhuilaga kaharphokta hānga, “Varena mamayāmana, Proho! Nali chithada mashoklakmara.”

MATTHEW 16:28

Ina nathumli kachangkhat kahāngna, miwui Naomayarana awui wungramli kharā matheiranglakha kathi mamazapki kaji mi kaikha hili nganingda lei.”

MATTHEW 17:12

Kha ina nathumli kahāngna, Elijah rāhaira, kha mibingna ali mamachuthuwa kala ali athumna sākhangangai sai. Chi tākam eina miwui Naomayarala athumwui pāngli kachotkachāng samphangra.”

MATTHEW 17:9

Athumna phungreiwui eina katā tharan Jishuna athumli, “Miwui Naomayarana kathiwui eina maringshokranglakha eina tangda khamahā hi khipālikha mahāngalu” da ningmi.

MATTHEW 20:28

kaja miwui Naomayara eina tangda ali otram ngatha̱mi ngasak khavai kharā maningla ana otram ngatha̱mi khavai kala kachungkhawui vang ngatangman sāda amanglā chigatmi khavai kharāna.”

MATTHEW 26:2

“Khanithangwui thili Makānkhami Phanit sāra kaji nathumna thei, kala miwui Naomayarali krushtungli shaothat khavai horsanghaora.”

MATTHEW 26:47

Jishuna matuimahungda leilakha tharāda khaniwuili zangkasā Judasli ngasoda mi kachungkha thinghun kala raighai singlaga athumwui pāngmon akhokabing eina hangva̱naobingwui eina rai.

MATTHEW 27:12

Kha pāngmon akhokabing eina ararnaobingna ali kaphen chili ana khikha mangahānkāmana.

MATTHEW 27:63

hānga, “Amei, kakapika mayara china ringda leilakha, ‘Zimiksho kathumthangwui alungli ina ringshokra’ da hāngkahai chi ithumna phaningunga.

MATTHEW 28:6

A hili maleimana, khikhalajila ana hāngkahai athishurda ava ringshokhaira. Ali chipet kahai pam hi rāyanglu.

MARK 8:31

Kala ana awui sākhangatha̱bingli, miwui Naomayarana apong kachungkhali kakhanang kachot samphangra kala kathānabing, pāngmon akhokabing kala ain kathemabingna mamayāmada ali shaothatra, kha kathumthangwui thili ringluira da tamchitheiphokuwa.

MARK 9:12

Jishuna, “Elijahna ot saikora hankhuiluishit khavai rida rai; kala miwui Naomayarawui pongli kakhanang kala mana̱kashi kachungkha samphangrada Kathara Lairikli kathada kapihailikhala?

LUKE 17:25

Kha rimeikapta ana kachot kachāng kachungkha phungphalungra kala thot hina ali makhuisangmara.

LUKE 24:46

“Hithada kapihaili, kaja Messiahna kachotkachāng phungphalungra kala kakathumathang kathiwui eina ringluira.

LUKE 9:31

Anina tekmateilak eina rāda Jishuna Jerusalemli thimihailaga zatthuihaoki kajiwui pongli rāhānga.