MATTHEW 16:20 - Kathara Bible (BSI)

²⁰ Chiwui thili sākhangatha̱bingli A hi Khrista china kaji chi khipalikhala mahānglakalu da ningmi.

MATTHEW 16:20 Iomraidhean Croise

MATTHEW 1:16

Kala Jacobna Messiah kaho Jishuwui ava̱ Maryli kakhuiya Josepli pharai.

MATTHEW 16:16

Simon Peterna ngahānkai, “Na Khrista, kharinga Varivarawui Naomayara china.”

MATTHEW 17:9

Athumna phungreiwui eina katā tharan Jishuna athumli, “Miwui Naomayarana kathiwui eina maringshokranglakha eina tangda khamahā hi khipālikha mahāngalu” da ningmi.

MATTHEW 8:4

Jishuna ali hānga, “Khipālikha mahāngalu, kha vālu, nawui phasā chi pāngmonli achitheilu, kala mibingna theikhui khavai Mosesna kaso kahai chigatki kaji chi achigatlu.”

MARK 8:30

Kala Jishuna athumli awui maramli khipālikha mahāngalu da ningmi.

MARK 9:9

Athum kaphungwui eina tāmamānlakha Jishuna athumli kasoi, “Miwui Naomayarana kathiwui eina maringshokranglakha eina tangda nathumna theikahai chi mi khipālikha mahānglakalu.”

LUKE 2:11

Aja Davidwui keinungli nathumwui vang Huikhame akha pharāhaira, ava Proho Khristana.

LUKE 9:21

Kha Jishuna athumli tui hi mi khipālikha mahāng khavai kasoi.

LUKE 9:36

Tui chi hāngkup kahaiwui thili Jishumāng nganingsai. Chieina athumna theikahai chi kasaikha thumhaida khipālikha mahānglakmana.

JOHN 1:41

Ana hengsāda ama Simonli samphangda hānga, “Ithum Messiahli samphanghaira.” (Tui hiwui kakhalatva Khrista kajina).

JOHN 1:45

Philipna Nathana-elli samphangda hānga. “Moseswui ainli kapi kahai kala marānbingnala kapi kahai mipa, Josephwui naomayara, Nazarethwui Jishu chili ithum samphanghaira.”

JOHN 11:27

Ana “Mha, Proho, apuk-apagva̱li rāki kaje Varewui Naomayara Khrista chi nalaka” da ngahānkai.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

1 JOHN 2:22

Ara kakapika chi khipā? Jishu hi Messiah maningmana da kahāngapā china. Chikathā mi chi Khristawui Yangkashena — ana Avāva̱lila, Anaolila khaninili mamayāmana.

1 JOHN 5:1

Jishu hi Messiahna da shitkasanga mi chi Varewui naona, kala Avāva̱li leikashe mi china Anaolila leishi.