MATTHEW 16:16 - Kathara Bible (BSI)

¹⁶ Simon Peterna ngahānkai, “Na Khrista, kharinga Varivarawui Naomayara china.”

MATTHEW 16:16 Iomraidhean Croise

LAA 2:7

Prohowui hukhum ina hāngra: Ana ili hānga, “Na inaomayarana, aja I nawui avāva̱ ngasāhaira.

LAA 42:2

Kharinga Varewui vang imanglāna Varewui vang ra̱changa, Varewui mai ina katharan atheirakhala?

DANIEL 6:26

Iwui wungramli khalei saikorali ina kakaso khamina, kaja mibingna Danielwui Vareli ngacheeda khayāshiranu, kaja ava makashimān kharinga Varena; awui wungram masāshimānlakmara, kala awui khamung katongali vāshungra.

MATTHEW 1:16

Kala Jacobna Messiah kaho Jishuwui ava̱ Maryli kakhuiya Josepli pharai.

MATTHEW 14:33

Kala marikhongli tongkasa mibingna ali khorumda hānga, “Kachangkhat na Varewui Naomayaralaka.”

MATTHEW 16:15

Ana athumli hānga, “Kha nathumna I khipāna da hāngkhala?”

MATTHEW 26:63

Kha Jishuna khikha mangahānkāla kasainakha pamhaowa. Chieina pāngmon kharei china ali hāngluishita, “Ina kharinga Vareli mingzaida kahāngna: na Varewui Naomayara, Khrista china jiakha ithumli hānglu.”

MATTHEW 27:54

Jishuli mayonkapama raimiwui akhavā eina ali khangaso awui shipaibingna neina̱ kakhanuk, kala kashokshok chi kathei eina ngacheekhaihaoda hānga, “Kachangkhat eina hi Varewui naomayarana.”

MATTHEW 4:3

Chieina chipeena ali rāsuida hānga, “Na Varewui Naomayarana jiakha ngalunggui hi khamui onkhavai kasolu.”

MARK 14:61

Kha Jishuna khikha mangahānkāla kasainakha pamhaowa. Chieina pāngmon kharei china ali ngahānlui, “Sokhame Varewui Naomayara Khrista chi nala?”

LUKE 2:11

Aja Davidwui keinungli nathumwui vang Huikhame akha pharāhaira, ava Proho Khristana.

JOHN 1:49

Nathana-elna Jishuli ngahānkai, “Ojā, na Varewui Naomayarana! Na Israelwui awungana!”

JOHN 11:27

Ana “Mha, Proho, apuk-apagva̱li rāki kaje Varewui Naomayara Khrista chi nalaka” da ngahānkai.

JOHN 20:31

kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

JOHN 6:57

Ili kharinga Avāva̱na kashirātna kala awui vang I kharingna. Chithada sāda iwui asā kashaia chi iwui vang eina ringa.

JOHN 6:68

Simon Peterna ngahānkai, “Proho, ithum khipāwuili varakhala? Namāngli makashimān kharing tui chi lei.

JOHN 6:69

Ara ithum shitsanghaira, kala ithumna theihaira, Varewui Tharkhamathengapa chi nalaka.”

OTSAK 14:15

“Itaongarā, nathumna kachiwui vang eina hithada kasākhala? Inila nathum eina ngaraikachā mikumona. Makānkhanā otbing hiwui eina mai ngareithuihailaga kazingla, ngaleila, shamadrula kala chiwui alungli khalei ot saikora kasā kharinga Vareli ngareiung khavai paokaphā hāshok khavai ithum hili khaleina.

OTSAK 8:36

Anina zatmamānda leilakha tara̱ khaleipam akhali vāshunga. Chieina akhavā china hānga, “Yanglu, hili tara̱ leili, ili ra̱hikmikida khi pankhavai leikhala?”

OTSAK 8:37

Philipna ali hānga, “Nana ningtongda shitsangakha ra̱hikmipaira.” Chieina ana ngahānkai, “Ina Khrista hi Varewui naona da shitsanga.”

OTSAK 9:20

Ana ngalāngda synagogueli vāda “Jishu hi Varivarawui Naomayarana” da tamchithei.

ROMNAO 1:4

Varewui tharkhamathengshong einava kathiwui eina ringkashokwui vang ali pangshap khaleia Varewui Naomayara ngasā ngasaka.

2 CORINTHNAO 1:19

Silvanusna nilala, Timothyna nilala, ina nilala tamchitheida khalei Varewui Naomayara Jishu Khrista hiya “Ninglapai” “Maninglapai” kaji maningmana. Kha awuili Varewui “Ninga” kaji lei.

2 CORINTHNAO 3:3

Lairik hi Khristana kapisanglaga ithumna kachiphuna kaji chitheilu. Hi lungphekli muk eina kapi kahai maningmana, kha kharinga Varewui Manglā eina miwui wuklungli kapi kahaina.

2 CORINTHNAO 6:16

Varewui khorumshim eina meoma̱ khi mayā khangarok leikhala? Khikhalajila ithum kharinga Varewui shimna. Varena hithada hānga, “Ina iwui mibingli ngasoda pamra kala athumli okthuirumra; I athumwui Vare sāra, kala athum iwui miyur sāra.”

KHALATLUI 5:26

Kaja phasā khavai saikorawui alungli kachikathā mi akhana, ithumna kashā thāda meilungwui eina kharinga Varewui akhon shākahai khipālongna ringlikhala?

1 THESSALONICANAO 1:9

Ithumna kharā tharan nathumna ithumli samkhangarok kala meoma̱ horhaida khamashung kala kharinga Vareli kathada otram ngatha̱haokhala kaji mi saikorana ngazeksera.

1 TIMOTHY 3:15

Kalikha huihaisākha Varewui shimkhur kaja kharinga Varewui church, khamashungwui shimphunga kala pakra̱ chili mibingna kathada sāmameirakhala kaji nana theikhui khavai kagapina.

1 TIMOTHY 4:10

Khanganurla nganurda otla panglāk eina sai. khikhala jila mi saikorawui Huikhame kala mataimeikapta shitkasangbingwui vang ringching kaje Vareli ithumwui kachihān shāpkahaina.

HEBREWNAO 10:31

Kharinga Varewui pāngli tākazang hiya khangachee khangacham otna.

HEBREWNAO 12:22

Kha nathumna Zion kaphungli kala kharinga Varewui keinung, kazingramwui Jerusalemli, kazingrao thingthingna lumlaoda kakazip,

HEBREWNAO 3:12

Ivānaongarā! Kharinga Varivarawui eina mangareithui khavai zakkashi ning kala mashitkasang ot maphaning khavai ning ngasharlu.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

1 JOHN 4:15

Jishu hi Varewui naona da hāngkaphata a chili Vare lei, kala Vareli a lei.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

1 JOHN 5:5

Jishu hi Varivarawui Naomayarana da shitkasanga china okathuili khayui maningmala?

PHONGKHAMI 7:2

Chiwui thili zingshoshong eina khangatei kazingrao akha kharinga Varewui mahor singlaga kharā chi ina thei; kala ngalei eina ngayili sāshimān khavai pangshap mikahaia kazingrao mati chili panglāk eina ana vaoda hānga.