MATTHEW 16:14 - Kathara Bible (BSI)

¹⁴ Athumna ngahānkai, “Kaikhana Ra̱hikme Johnna ji, kaikhana Elijahna ji, kala khangatei kaikhana Jeremiah maningakha marānbingwui ngachaili akhara da hānga”.

MATTHEW 16:14 Iomraidhean Croise

JEREMIAH 1:1

Benjaminwui ngalei Anathothli khalei pāngmon shimkhur Hilkiahwui naomayara Jeremiahwui tui,

MALACHI 4:5

“Yanglu, Prohowui kahaka kala khangacheea zimiksho chi marāranglakha ina marān Elijahli chihorāra.

MATTHEW 14:2

kala ana awui raobingli hānga, “Hipā hi Ra̱hikme Johnna, kathiwui eina ringshok kahaina; chiwui vang eina ana matakhak kahai ot sākashap pangshap khaleina.”

MATTHEW 16:15

Ana athumli hānga, “Kha nathumna I khipāna da hāngkhala?”

MATTHEW 17:10

Chieina awui sākhangatha̱bingna ngahāna, “Chithākha khi sāda Elijahna rāriphalungra da ain kathembingna hāngkhala?”

MATTHEW 3:1

Atam chitharan John Ra̱hikmena Judeawui lamhāngli pao hāshokrai.

MARK 6:15

Kha kaikhana “Elijahna” da hānga kala khangatei kaikhana “Achālakhawui maran kathā akhana” da hānga.

MARK 8:28

Chieina athumna, “Mi kaikhana Ra̱hikme Johnna ji, kaikhana Elijahna ji, khangatei kaikhana marānbingwui ngachaili akhara ji” da ngahānkai.

LUKE 9:8

kaikhana Elijah rāluihaira, kala khangatei kaikhana achālakhawui marānbing ngachaiwui eina akha ringluihaira.

JOHN 1:21

Chieina athumna “Chithākha na khipākhala? Elijahla?” da ngahāna. “Maningmana” da Johnna ngahānkai. “Na marānla?” da athumna ngahāna. “Maningmana” da ana ngahānkai.

JOHN 7:12

Mibingna Jishuwui pongli ngazek ngaroka; kaikhana “A kaphā mina” ji, kala kaikhana “Mibingli ana thannguihaira” da hānga.

JOHN 9:17

Chiwui thili Phariseebingna mipā chili ngahānluishita, “Nali ana mik theingasaka jihaira. Phai thākha a hi khipākhala?” Chieina ana, “A marān akhana” da ngahānkai.