MATTHEW 15:9 - Kathara Bible (BSI)

⁹ arema eina athumna ili khoruma, mikumona semkakhui ain chi iwui ainna da tamchithei.’”

MATTHEW 15:9 Iomraidhean Croise

LAA 39:6

Mi hiya kachangkhat eina akalā thāda zatung-zatva sai! Kachangkhat eina khikha makhaningwui vang athumna khananga; mina sorngasaida hai, kha khipāna chi kazipkhuirada matheimana.

LAA 73:13

Ining tharzā kahai, ipāng khalāng ot makasā saikora aremana.

SHONGZĀ 20:7

“Leimamāngli Proho nawui Varewui ming masingpaimana; kaja Prohona awui aming leimamangli kasinga chili mayonmana majimara.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

PĀNGMONSHI 26:16

ina nathumli hithāda sāra: Kashuirak kahai khangachee rāngasakra, kala kharurlaga china mik mathei ngasakmara kala mirin shimān ngasakra. Nathumna athei-arai yaosanglala arema sāra, kaja nathumwui yangkashebingna zāra.

PĀNGMONSHI 26:20

nathumwui yang aremali shimānra, kaja luili heiun machungsangmara, kala atheirongnala athei mamatheimara.

MALACHI 3:14

Nathumna hānga, ‘Vareli otram khangatha̱ makānāmana. Awui kakaso khamayon kala saikorawui Prohowui mangāli chapkhangachā thāda kazatwui kaphā khi leikhala?

MATTHEW 15:10

Chiwui thili Jishuna yarui chili hokhuida hānga, “Nganākazakhuilu kala theishingkhuilu:

MARK 7:7

aremali athumna ili khoruma, athumna miwui khangachāyan chi Varewui tuina da tamchithei.’

1 CORINTHNAO 15:2

Ina nathumli hāshok kahai paokaphā chili shitsangtitakha china nathumli huimira. Chi maningsi kaja nathumwui shitkasang chi aremana.

KHALATLUI 12:32

“Ina nathumli kagaso kachiva̱ nathumna ningngasharda mayontitra; nathumna hi suitādala lah mataidala masāpaimana.

1 TIMOTHY 1:4

Ngaphat-ngayāt shok khangasaka khararchān kala awo-ayibingwui mitun aming hāngkachithei chi thāngasak khavai hānglu. Chikathā chi shitkasang eina theikashapa Varewui angarān angayeili khikha kankhanā maleimana.

TITUS 1:14

Kala khamashung horkahaia mibingwui eina kashok mikumowui ningkhami kala Jihudibingwui phorchān manganāsangluimara.

HEBREWNAO 13:9

Ngateihahang kahai tamkachithei china nathumli mangui ngasakalu. Varewui lukhamashan eina ithumwui manglā pangkhangasak phālaka, kha kashakazā khangalang eina maningmana. Hikatha ain khamayonabingli china khikha ngachonkhami maleimana.

JAMES 2:20

He mangkhama̱bing! otsak maleila shitkasang hi aremana kaji hi chithei ngasakngailā?

PHONGKHAMI 22:18

Lairik hiwui phongkhami tui kashā mi kachiva̱li ningngashar khavai ina hāngkhamathinna; kachikathāna hili mataisangakha lairik hili hāngkahai unshimuibing chi Varena awuitungli mataisangmira;

1 SAMUEL 25:21

Davidna hithāda hānghairasai, “Mi hina khalei saikora, lamhāngli ina mayonmida akhala mashimān ngasaklak kaji hi arema ngasāhaira; kapha sākhamiwui vang ana ili makaphā hanmihaira.