MATTHEW 15:8 - Kathara Bible (BSI)

⁸ ‘Mibing hina morchai eina ili khayāshiya, kha athumwui wuklung iwui eina katāva̱li lei;

MATTHEW 15:8 Iomraidhean Croise

CHĀNSAM 23:26

Inaomayara, nawui ning ili milu, kala iwui apong namikna yangkhuiranu.

ISAIAH 29:13

Kala Prohona hānga, “Miyur hina khamor eina nganailaka, morchai eina ili khayāshiya; kha wuklunga iwui eina katāva̱li lei; athumna ili khangachee chiya mibingwui ningkhami eina tamkhui khamaronna.

JEREMIAH 12:2

Athumli nana lingsangda angayung sa̱khui; athumna reisang mamānda atheila mathei; nana athumli nganailak eina ngazeka, chithālala athumwui ninga katāva̱li lei.

EZEKIEL 33:31

Mibingwui thāda athumnala rai kala nana kahāng chi nganākhui, kha kasāva masāmana; khamorle leikashi tui kachungkha hānga, kha alungshonga khalatta tongzā khavaimāng sai.

MATTHEW 15:7

Phākakhaningbing! Isaiahna nathumwui maramli phongkhamarān chi kayākha mashunghao, ana hānga:

MARK 7:6

Ana athumli ngahānkai, “Marān Isaiahna phākakhaning nathumwui pongli mashungda marānmi, kaja hithada kapihaida lei: ‘Mibing hina ili morchai eina khayāshiya, kha athumwui ning iwui eina katava̱li lei;

JOHN 1:47

Jishuna awui ngalemli Nathana-el rākharā kathei tharan, ana awui pongli hānga, “Yanglu, chukkhara̱ khikha makhalei Israelna; khayon khikhala maleimana.”

JOHN 5:23

Chieina mi saikorana Avāva̱li khayākashi tākam eina Anaomayaralila khayāshira. Kachikathāna Anaomayarali khayāmashiakha ali kashirāta Avāva̱li khayāmakashina.

OTSAK 8:21

Hiwui ot hili nawui yar mazangmana; kaja Varewui miktāli kaphaning mamashungmana.

HEBREWNAO 3:12

Ivānaongarā! Kharinga Varivarawui eina mangareithui khavai zakkashi ning kala mashitkasang ot maphaning khavai ning ngasharlu.

1 PETER 3:10

Hithada kapihaili: “Ringkaphā mirin ningkachangpā kala khamathā atam theikhangaipā china, makaphā tui khamatui kala kakapik tui khamatui thāhaiphalungra.