MATTHEW 15:31 - Kathara Bible (BSI)

³¹ chieina khangasha̱na matuikapai, pāng katekali raikhami, phei katekana kazat kala mik khangapeoana kathei chi mibing china theilaga matakhakhaowa; kala athumna Israelwui Vareli masochikata.

MATTHEW 15:31 Iomraidhean Croise

HAOKAPHOK 32:28

Chieina ana hānga, “Nawui ming Jacob maholuimara, kha Israel hora, kaja nana Vare eina mikumoli nganurda nana yuihaira.”

HAOKAPHOK 33:20

Chili ana hanphut akha sakāda chiwui aming El-Elohe-Israel hoi.

LAA 50:15

kala kakhanang atamli ili ngakaolu; Ina nathumli kanshokmira, nathumna ili tekmatei ngasakra.”

LAA 50:23

Ningkashi pha̱kaphayā sāda khuikharābing ili khayākashina; apong mashungrik kahai chili ina Varewui huikhami chitheira!”

SHONGZĀ 24:10

kala athumna Israelwui Vareli thei; kala awui pheizingli aman kasaka sapphire ngalung eina hamkahai thāda kala kazingramwui khamathing thāda thei.

MATTHEW 15:30

Mi kachungkhana phei katek, mik khangapeo, khak khangasha̱ kala khangatatei kachungkha khuirāda Jishuwui mangāli rāhai kala Jishuna athumli raimi,

MATTHEW 18:8

“Kala napāngna lah napheina nali morei sangasakakha, chi katatkhuilaga horhaolu; pāng khani, phei khani kālaga katang makhavai meifali zangki kajile sheisha̱laga lah phei teklaga katang makhavai kharingli kazang phāmei.

MATTHEW 21:14

Khorumshimlungli mik khangapeo kala phei katekabing Jishuwui ngalemli rāda, ana athumli raimisera.

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MATTHEW 9:32

Athum zatphokukida ngarānmahunglakha, yanglu, kameo kazanga khak khangasha̱ akha awuili khuirai.

MATTHEW 9:33

Kameo kashamshokmikhaleoda khak khangasha̱pā chi matuipaihaowa kala yarui saikora matakhakhaoda “Israelli hikathā hi matheilakranga” da hāngngaroka.

MATTHEW 9:8

Yaruina chi kathei tharan athum ngacheehaowa kala mikumoli hikathā sāshap-pangshap khame Vareli athumna masochikata.

MARK 2:12

Ana ngakarthuilaga hengsāda awui pet khuiphungda athumwui mangāli phongshar eina zatshokhaowa. Chi kathei eina athum matakhakhaida Vareli sochikatta hānga, “Hikatha hi rida ithum matheilakranga.”

MARK 7:37

Kala athum matakhaknāhaida, “Ot saikora ana phālak eina sāmihaira; ana khangakhoka kala khangasha̱ali eina tangda shāngasak, kala matui ngasakhaira” da hānga.

MARK 9:43

Chiwui vang eina nawui pāngna nali morei sangasakakha, katattāhaolu; nawui vanga pāng khani kālaga kazeiram vāki kajile, pāng makāla katang makhavai kharingli kazang phamei.

LUKE 14:13

Kha nana phākachizāt tharan kathai kachāmbing, khangazanbing, pheikatekbing, khangapeobingli holu.

LUKE 14:21

“Chieina rao china latungda ali kahāng saikora chi awui akhavāli unghāngsera. Pao kashā eina shimva̱ malungvātlakhaowa. Chieina araoli hānga, ‘Thakta keinungwui shongrei-shongrāli vāda kachāmbing, khangazanbing, khangapeobing kala katekabingli ahokhuilu.’

LUKE 18:43

Chieina ana ngalāngda kathei samphangda Vareli masot chikatta athi shurthuwa; kala mi saikorana chi kathei tharan Vareli masochikata.

LUKE 7:16

Kashok chi theilaga athum ngacheelakhaowa kala Vareli masot chikatta hānga, “Ithumwui ngachaili marān kahaka akha shokhaira! kala Varena awui miyurli huimi khavai phaningmihaira!”

JOHN 9:24

Athumna mik ngapeoda kapharā mi chili kakhane holuishitta hānga, “Vareli masot milu. Mipa chi morei kaphunga mina da ithumna thei.”