MATTHEW 15:28 - Kathara Bible (BSI)

²⁸ Chieina Jishuna ali ngahānkai, “O sha̱nao, nawui shitkasang haklāka! Nawui ningkachāng chithada shokranu.” Kala anao ngalāva̱ chi pung chichangli raichaohaowa.

MATTHEW 15:28 Iomraidhean Croise

JOBWUI LAIRIK 13:15

Yanglu, ana ili sāthathaora; I kachihān maleithura; chithālala awui mangāli iwui mashun hāngphatra.

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

LAA 145:19

Ali khangachee saikorawui ningkachāng ana ngarānmi, ana athumwui khavao shāmi kala athumli huimi.

CHAPCHĀT 3:32

kha, ana khanang ngasaklala, awui makhavāta makhangachei leikashi chiwui athishurda ana lumashanmira;

MATTHEW 14:31

Jishuna ngalāngda apāng katingvālaga ali yonkhuida hānga, “He shitkasang kateowa mi, khisāda ningmaongkhala?”

MATTHEW 15:27

Sha̱naopāva̱ china ngahānkai, “Mha, Proho, chithalala fabing eina tangda akhavāwui eina tākatung zatpā chi ngamuizai.”

MATTHEW 8:10

Jishuna chi kashā eina matakhakhaida athi kashurabingli hānga, “Kachangkhat eina ina nathumli kahāngna, Israelnaobingwui alungli ina hikathā shitkasang masamphanglakmana.

MATTHEW 8:13

Jishuna shipai akhavā chili hānga, “Ungulu, kala nawui shitkasang athishurda shokranu.” Kala rao chi pung chichang chili raichaohaowa.

MATTHEW 9:22

Jishuna ngareiungda sha̱naopāva̱ chili thei kala hānga, “Pingmeilu inao ngalāva̱ nawui shitkasangna nali raingasakhaira.” Chieina sha̱naopāva̱ chi chichangli raihaowa.

MARK 5:34

Kala ana ali hānga, “Inao ngalāva̱, nawui shitkasang china nali phāngasakhaira, chingri eina ungulu, kala nawui kazāt raihaoranu.”

LUKE 17:5

Paokazatbing china Proholi hānga, “Ithumwui shitkasang mataisang ngasakmilu.”

LUKE 7:50

Chieina ana sha̱naopava̱li hānga, “Nawui shitkasangna nali huimihaira, chingri eina ungulu.”

LUKE 7:9

Jishuna tui chi kashā eina matakhakhaowa kala shurkazat mi kachungkha chili ngareiungda hānga, “Ina nathumli kahāngna, Israelwui alungli ina hikathā shitkasang matheilakranga.”

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.