MATTHEW 15:26 - Kathara Bible (BSI)

²⁶ Chieina Jishuna ngahānkai, “Naoshinaobingwui zāt khuilaga fali hormi kahai mangachāmana.”

MATTHEW 15:26 Iomraidhean Croise

MATTHEW 15:25

Kha sha̱naopāva̱ china amangali khuktizangta, “Amei, ili khangachonmiphalunglu” da hānga.

MATTHEW 15:27

Sha̱naopāva̱ china ngahānkai, “Mha, Proho, chithalala fabing eina tangda akhavāwui eina tākatung zatpā chi ngamuizai.”

MATTHEW 7:6

“Kathara ot chi fali mamialu, athumna hanungda makeipaishina; kala khayingmukta chi hokwui mangāli mahorsangalu, athumna naikazazamlaga naiphumhaipaishina.

ROMNAO 9:4

Athum Varena kapang kahaia miyurna: athumli Varewui naongarā sāngasakta awui tekhamateila samphang ngasaka, athumli tuingashit chi mida ainla singngasaka; khamashung khokharumla athumli lei; Varewui ngashit kahai chila athumna samphanga.

GALATIANAO 2:15

Ithum Jihudi sāda pharai, “Morei kaphunga Gentilebing” da kaho athum kathā maningmana.

EPHESIANAO 2:12

Chitharan nathum Khristawui eina ngateida leisai. Nathum kha̱minao sāhaoda Varewui miyurli ngashitmi kahai chili mazangsāmana. Nathum Varena awui miyurli ngashitmi kahai chili pheisinda tuingashit sākahai chili mazangsāmana kala okathui hili nathum kachihān maleila kala, Vare mazangla okthuisai.

PHILIPPINAO 3:2

Makaphā ot kasā; ahui rimshokphalungra da kasā fa kathabing chili ning ngasharlu.

PHONGKHAMI 22:15

Ayarle, fa, meoworkashon mi, shāmkasā, mi shaokathat, kameoli kapha̱ kala mikhanamli akachang kasābingmānga.