MATTHEW 15:25 - Kathara Bible (BSI)

²⁵ Kha sha̱naopāva̱ china amangali khuktizangta, “Amei, ili khangachonmiphalunglu” da hānga.

MATTHEW 15:25 Iomraidhean Croise

HAOKAPHOK 32:26

Chieina mi china hānga, “Kazing thangki jihaira, ili chihohaolu.” Kha Jacobna hānga, “Ili nana masomiranglakha eina tangda nali mathui ngasakmara.”

HOSEA 12:4

Ana kazingraoli nganurda yuiya, ana chapta lukhamashan phai. Ana Vareli Bethelli samphanga kala chili Varena ali ngazeka.

MATTHEW 14:33

Kala marikhongli tongkasa mibingna ali khorumda hānga, “Kachangkhat na Varewui Naomayaralaka.”

MATTHEW 15:26

Chieina Jishuna ngahānkai, “Naoshinaobingwui zāt khuilaga fali hormi kahai mangachāmana.”

MATTHEW 20:31

Chieina yarui china anili kasainakha pamlu da kharara; kha anina pangmeida “Davidwui naomayara, Proho inili khalumashanmilu,” da vaowa.

MATTHEW 8:2

Kala yanglu, phārrei kakazā mi akha rāda awui mangāli khuktizangda hānga, “Proho, nana tharmiga jiakha ili tharmishapa.”

MARK 9:22

Kameo china ali shimān khavai kala thikhavai meilunglila, tara̱lunglila tarākhashida horsanghaira, khikhikha sāmipaiakha lumashanmida ishili khangachonmilu.”

MARK 9:24

Avāva̱ china hengsāda chapta hānga, “Ina shitsanga, iwui mashitsangkasangwui vang ngachonmilu.”