MATTHEW 14:6 - Kathara Bible (BSI)

⁶ Kha Herodwui kapharā ungshungthang Herodiaswui naongalāva̱na yarui mangāli pheichak sai kala Herod penlakhaowa;

MATTHEW 14:6 Iomraidhean Croise

HAOKAPHOK 40:20

Kakathumathang, Pharaohwui kapharā zimiksho ngasāhaoda, ana awui raobingwui vang zātkhān sāmi, kala tengkot singkhamiwui akhavā eina khamui kasemawui akhavā chili khuishoka.

ESTHER 2:18

Chieina wungnao saikoralila kala rao saikorali awungana Estherwui vang zātkhān kahaka miya. Chili lāngda wungrambing chili shai kokmi kala awungawui mikhangai lemmet yaowa.

MATTHEW 14:3

Kaja Herodna agato Philipwui apreiva̱ Herodiaswui vang eina Johnli tukkhuida khalaphailaga phātopli sanghaisai;

MATTHEW 14:7

chieina ana sha̱nao chili ana kapopo chi milākra da tuingashit sai.

MATTHEW 22:24

“Ojā, Mosesna hānga, ‘Mi akhana naongarā maleila thihaiakha agatona rameiva̱ chili ngakumlaga ashameiwui vang nao nganaomiphalungki kajina.’

MARK 6:14

Herod awungana chi shai, kaja Jishuwui aming ngayaonaphaowa. Mi kaikhana “Ra̱hikme John ringluishithaira, chiwui vang eina ana sākashapna” da matuiya.

MARK 6:17

Kaja Herodna agato Philip preiva̱ Herodiasli ngakum kahaiwui vang Johnli tukkhui khavai a khalattana kasoi kala khalaplaga phātopli sanghai.

MARK 6:19

Chiwui vang eina Herodiasna awuitungli malungvātlakhaoda shaothatngai. Kha a chi mararsamana;

MARK 8:15

Jishuna athumli “Ning ngasharda khuiphunglu, Pharisee eina Herodwui khawok chili ngasharlu kala mangarumhaialu.” da hānga.

LUKE 13:31

Atam chichangli Pharisee kaikhana ali rāhānga, “Na apam hiwui eina zatthuimihaolu kaja Herodna nali shaothatngailak eina leili.”

LUKE 23:11

Herod eina awui shipaibingnala zeida mana̱shiya. Chiwui thili wungnao sāri ngavaimilaga Pilatewuili chihovāluishithaowa.

LUKE 23:7

Jishu hi Herodna khamunga ngaleiwui eina kharāna da Pilatena kathei eina ali Herodwuili chihovai, atam chitharan Herodla Jerusalemli leisai.

LUKE 3:1

Caesar Tiberiusna mungda tharāda kaphangā kum Pontius Pilatena Judeawui governor, Herodna Galileewui tetrarch kala agato Philipna Iturea eina Trachonitiswui tetrarch kala Lysaniasna Abilenewui tetrarch sāda leilakha,

LUKE 3:19

Kha Johnna Herod Governorli agato preiva̱ Herodiasli ngakum kahaiwui vang kala ana makaphā ot kachungkha sāhaida hāngkhamachinwui vang,

LUKE 8:3

Herodwui lanse Chuzawui preiva̱ Joanna kala Susanna kala athum khalattawui lan khuishokta ngachonkhame sha̱nao kachungkhala ngayurzatsai.

OTSAK 12:1

Atam hitharan Herod awungana church mipha̱ kaikhawuitungli pāng parda sāshilak eina rekharekphoka.

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;