MATTHEW 14:19 - Kathara Bible (BSI)

¹⁹ Chiwui thili Jishuna yarui saikorali khawotungli pamzang khavai kasoi, kala khamui phangā eina khaih khani chi khuilaga kazingramli yangkāda somi, kala serkhaida khamui chi sākhangatha̱bingli mi, sākhangatha̱bingna yaruili yaowa.

MATTHEW 14:19 Iomraidhean Croise

MATTHEW 14:18

Chieina ana hānga, “Chibing chi iwuili khuirālu.”

MARK 6:39

Chieina yarui ashang chi khum-khum sālaga wonuitung chili pamngasaklu da Jishuna sākhangatha̱bingli hānga.

MARK 6:41

Jishuna khamui phangā kala khaih khani chi singkhuilaga kazingramli yangkāda sokhami pomi kala khamui chi serkhaida yaruili yaovā khavai sākhangatha̱bingli mi kala khaih khani chila chithada ngayarmisera.

MARK 7:34

kala ngahuida kazingram yangkāda hānga, “Ephphatha” kaja “Shohaolu” kajina.

LUKE 22:17

Chiwui thili ana tengkot khuida ningkashi mihailaga athumli hānga, “Hi khuida nathum ngayarmanglu;

LUKE 22:19

Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

LUKE 24:30

Phazāuki kaji eina ana khamui khuida seihā sālaga serkhaida ngayarmi,

LUKE 9:14

Chili mayarnao thingphangā sha̱kha leisai. Chieina ana awui sākhangatha̱bingli hānga, “Athumli hangphangānga ngaher eina pamngasaklu.”

LUKE 9:16

kala khamui phangā khaih khani chi ana singkhuilaga kazingramli yangkāda sokhami pomi kala khamui chi serkhaida yaovā khavai sākhangatha̱bingli mi.

JOHN 11:41

Athumna lungphek chi khalangshok kahai eina Jishuna kazingram yangkāda hānga, “Iwui Avā, nana ili shākhamiwui vang nali ningshi.

JOHN 6:23

Chitharan Tiberiaswui eina kharā marikhongbing chi, Prohona seihā sālaga mi kachungkhali khamui mikashai apam chiwui ngalemli rāngasāma.

OTSAK 27:35

Paulna hi hāngchanghailaga khamui khuida athum saikorawui miktāli Vareli ningkashi mihailaga serkhaida shaiphokkuwa.

ROMNAO 14:6

Kachikathā mina kachikathā zimiksho akhali saklak eina kaphaning chi Proholi khayākashina, kaja kachikathāna shaiser kaji chi Proholi khayākashiwui vangna, khikhalajila ana kashakazāwui vang Vareli ningkashi mi. Kachikathāna mashai-mashakphāphā kajila Proholi khayākashiwui vangna, anala Vareli ningkashi mi.

1 CORINTHNAO 10:16

Prohowui phākachizātli sokhami tengkotwui vang ithumna Vareli ningkashi khami hi Khristawui asheeli khangarumna, kala ithumna khamui serkhaida kashai tharan Khristawui phasāli khangarumna.

1 CORINTHNAO 10:31

Zālala, manglala, kasāsā saikora Vareli tekmatei khavai sālu.

1 CORINTHNAO 11:24

Vareli ningkashi mijanghailaga serkhaida hānga, “Iwui phasā hi nathumwui vangna, hi ili phaningung khavai sālu.”

COLOSSIANAO 3:17

Kala nathumna ot kasāli nilala, tui khamatuili nilala Avā Vareli ningkashi mida otsak kachiva̱li Proho Jishuwui ming eina sālu.

1 SAMUEL 9:13

Ana phazā khavai kaphung kajuili makāranglakha, nanina keinung lungli zangkhaleoda ali samphanghaora; kaja pha̱kaphayā hili ana somiki jihaoda, ana masomiranglakha khipākha mazāmara; chiwui thili horākahaibing saikora zānaora. Kaulu, samphangngalanghaora” da athumna hāngmi.