MATTHEW 13:57 - Kathara Bible (BSI)

⁵⁷ Chieina athumna ali makhuisangthuwa. Kha Jishuna athumli hānga, “Marānliva aramli kala ashi shimkhurli maningla apam khangatei khayāmakashi maleimana.”

MATTHEW 13:57 Iomraidhean Croise

ISAIAH 49:7

Israelwui ngatangkhame, kala awui Katharapa, chinkākhailak kahaia, miyurbingna ningkachai kahaia, khamungabingwui rao chili, Prohona hithāda hānga: “Awungabingna theida ngakarthuira, wungnaobing athum khalatta ngakhumshāmsangra.” Khikhalajila ningkatonga, Israelwui Katharapa nali kapangkakhuia Prohowui vangna.

ISAIAH 53:3

Mibingna ali yangkharinga kala mamayāmana; wukkakhananga mi, sikafa thathei kahaia; mibingna mayangngaimada mai ngareithui kahai thāda, ali yangkharinga, kala ithumna ali machāpmimana.

ISAIAH 8:14

Kala ana katharapam ngasāda, nganingkakham lunggui, Israelwui shimkhur khaninili phei ngaphok khavai lunghar, kala Jerusalemwui mibingli mankhavai khalen ngasāra.

MATTHEW 11:6

Ili ningkhamaong makhalei a chi sokhamina.”

MATTHEW 13:58

Kala athumna mashitkasangwui vang ana apam chili matakhak kahai ot kachungkha masāmana.

MARK 6:1

Ana apam chiwui eina thuihailaga awui ramli unghaowa; kala awui sakhangathabingna ali shurzata.

MARK 6:14

Herod awungana chi shai, kaja Jishuwui aming ngayaonaphaowa. Mi kaikhana “Ra̱hikme John ringluishithaira, chiwui vang eina ana sākashapna” da matuiya.

MARK 6:3

Hi Marywui naomayara, kala James, Joseph, Judas kala Simonwui achinā mistrypa chi maningmala? Azarva̱ngara ithumli mangasopammala?” Chieina athumna ali mamayāngaithuwa.

MARK 6:4

Chieina Jishuna athumli hānga, “Marānliva kachichāramli shangnao ramnao kala shimkhurna kajimada apam kachiva̱li khayāmakashi maleimana.”

LUKE 4:24

Chieina ana hānglui, “Kachangkhat eina ina nathumli kahāngna, marān khipālikha khalattaramli khamayā maleimana.”

LUKE 7:23

Chieina ili maningkhamaong a chi sokhami ngasāranu!”

JOHN 4:44

Jishu a khalattana, marān kaho hili awui ramli khayākashi mangachāmana da hāngphata.

JOHN 6:42

Chieina athumna hānga, “Mipa hi Josephwui naomayara maningmala? Ashi ava̱ eina avāva̱li ithum thei. Chithākha ana kathada kazingram eina katāna jikhala?”

JOHN 6:61

Sākhangatha̱bingna kapumkakaseo chi theida Jishuna hānga, “Nathumla mamayāngaimala?