MATTHEW 13:52 - Kathara Bible (BSI)

⁵² Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 13:52 Iomraidhean Croise

EZRA 7:10

Kaja Ezrana Prohowui ain chi tamkhui khavai, kala chi sākhavai, kala ain eina shiyan-chikanbing chi Israelwui alungli tamchithei khavai awui ningli shaptithaowa.

EZRA 7:21

“Kala awunga Ar-ta-xerxes, ina Kong Makanda ngalei alungli khalei chumsinga saikorali kakaso khamina: Kazingwui Varewui ain kathema Ezr pāngmonna nathumwui eina khikakha khuikapai leiakha mathālak eina sāmilu,

EZRA 7:6

Ezr china Babylonwui eina unga. Ava Israelwui Vare Prohona Mosesli khami ainwui pongli themlāk kahai mi akhana. Kala awui Proho Varena ngasokhamiwui vang awungana awui kapo saikora misera.

CHĀNSAM 11:30

Khangarongawui atheiva mirinwui thingrongna, kha ain makhangākana manglā khui.

CHĀNSAM 15:7

Thangkhamawui morchaina awor yaosangmi, mangkhama̱wuiva chi mathāmana.

CHĀNSAM 18:4

Mi khamorwui tui hiya kathuka tara̱na, thangkhamawui ura̱ chi longkazata kongna.

SOLOMONWUI LAA 7:13

Mandrake nganamphokhaira, athei kadharla, kachamla athei shaikaphā saikora khāmongpheili iniwui vang ina kaziphaira, O iwui leikashe.

MATTHEW 12:35

Kaphā mina awui khamathā kazip kahai chi eina khamathā shoka kala zakkashi mina awui kazip kahai chi eina zakkashi sāshoka.

MATTHEW 13:51

“Nathumna saikora hi bhap tāhairalā?” Athumna “Mha” da ali ngahānkai.

MATTHEW 13:53

Kala Jishuna chānjam tui saikora chi pheikupchanghailaga, apam chiwui eina thuihaowa,

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

LUKE 11:49

Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

JOHN 13:34

Chieina ina nathumli ningkhami kadhar khamina kaja nathum akha eina akha leishi ngaroklu, ina nathumli leikashi thada nathum akha eina akha leishi ngarokphalungra.

2 CORINTHNAO 6:10

khananglala ringphāchinga, chāmlala shānglak kahai thai, khikha maleilala, saikora vaisera.

EPHESIANAO 3:4

kala ina kapi kahai chi nathumna paakha, Khristawui khangathuma chiwui pongli iwui bhap katā chi nathumna theikhuishapra.)

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

COLOSSIANAO 1:7

Nathumna Varewui lukhamashan pao hi ningtonglak eina Khristawui otram khangatha̱ ithumwui mathun Epapharaswui eina kashāna.

COLOSSIANAO 3:16

Khristawui tui hi nathumwui wuklungli pemtinghai ngasaklu. Nathum akha eina akha theithangmeilak eina tamchithei ngaroklu kala machin ngaroklu. Laa einala, masotlaa einala kala kathara laa einala Vareli nathumwui wuklungli ningkashi eina ngasoda sochikatlu.

1 TIMOTHY 3:6

A sādhadhara Vareshi maningphalungmara, kaja khayāning nganinghaida chipeewui pāngli tāzanghaipai.

TITUS 1:9

Tamchithei kahai khamashung tui chi singtitphalungra. Chithākha khamashung tamkachithei chi ana hāngchitheishapra, kala tui khangayātbing chili athumwui khayon chitheishapra.