MATTHEW 13:44 - Kathara Bible (BSI)

⁴⁴ “Kazing wungram chiya lui akhali lan thumhaida khalei mi akhana samphangda yātphum kahai kathana; ana ringphākhaihaoda awui khalalei hupta ungyorserhailaga, lui chi alokhui.

MATTHEW 13:44 Iomraidhean Croise

JOBWUI LAIRIK 28:13

Mina chiwui apong matheimana, kala chi kharingbingwui lamli masamphangmana.

CHĀNSAM 16:16

Sināle thangkhamei samkaphang phāmei, lupāsāle theishingkakhui kapangkhuitha̱ra.

CHĀNSAM 17:16

Ning makhalei mangkhama̱ana thangkhamei lokhavai awui pāngli pheisā leida khi sāvaira?

CHĀNSAM 18:1

Ngakhei kahai mina khamashunglila nguikhavai phayatshang phayattai.

CHĀNSAM 23:23

Khamashung lokhuilu, kala chi mayorhaialu; thangkhamei, tamkachithei, kala theishingkakhui lokhuilu.

ISAIAH 55:1

“Hei, ra̱kachanga kachiva̱, tara̱ chili rālu! kala pheisā makhalei a chi, rālu, lokhuida zālu! Rālu, pheisa kala aman mazangla drakhāra̱ kala seina̱ rālokhuilu.

MATTHEW 13:24

Khangatei chānjam akhala athumli hāngchithei; “Kazing wungram hiya mi akhana awui luili athā khamathā yaosang kahai eina chānjam sāpai,

MATTHEW 13:46

ana aman kasaka pearl ngalung akha leikasā theida awui khalalei hupta ungyorserhailaga pearl chi alokhui.

MATTHEW 13:47

“Latluida, kazing wungram chiya shamadruli khaihlan horsanglaga khai ayur kachiva̱ phākakhui kathāna.

MATTHEW 19:21

Jishuna ali hānga, “Nana peichaongaiakha, ungulu, laga nawui khalalei saikora yorserhailaga kachāmnaoli mihaolu. Chieina kazingramli nawui lan leira. Chiwui thili rāda ithi shurlu.”

MATTHEW 19:27

Chiwui thili Peterna ngahānkāda hānga. “Yanglu, ithumna ot saikora horhaida nathi shurhaira. Chithākha ithumna khi samphangrakhala?”

MATTHEW 19:29

Kala iwui mingwui vang shim lah chinao ngarā, azarva̱ ngarā, ava̱-avā, naongarā kala ram horkahai mi kachiva̱ shākha mataida samphangra kala makashimān kharing mirin mathunkhuira.

MATTHEW 6:21

Kaja nathumwui lan khaleipamli nathumwui ningla leira.

LUKE 14:33

Chithada sāda kachikathāna awui khalalei saikora mahorhairarakha iwui sākhangatha̱ masāpaimana.

JOHN 6:35

Jishuna hānga, “I kharingawui kashakazāna, ili kharā mi chi mathaimara, kala ili shitkasanga mi chi mara̱changlakmara.

ROMNAO 15:4

Achālakha kapi kahai chi ithumli hāngmachin khavaina, kaja ithumna nganingtitta kala kathara tuina kasatkasang athishurda kachihān leikhavaina.

COLOSSIANAO 2:3

Khrista hi Varewui thangkhamei kala aworwui thumkahai lan saikora shokhavai shona.

COLOSSIANAO 3:16

Khristawui tui hi nathumwui wuklungli pemtinghai ngasaklu. Nathum akha eina akha theithangmeilak eina tamchithei ngaroklu kala machin ngaroklu. Laa einala, masotlaa einala kala kathara laa einala Vareli nathumwui wuklungli ningkashi eina ngasoda sochikatlu.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

PHONGKHAMI 3:18

Meili lāngkahaiya sinā iwui eina lokhuida shāngchang khavai kala kachon kachara iwui eina lokhuida ngavailaga, mahonghat kahaiwui kakhayak malei khavai, kala mikli ari neolaga theikhavai nali hāngkachitheina.