MATTHEW 13:3 - Kathara Bible (BSI)

³ Ana apong tarākha chānjam eina tamchitheida hānga: “Athā khayaoa akhana athā yakhavai vai.

MATTHEW 13:3 Iomraidhean Croise

LAA 49:4

Chānjamwui tuili ikhanā nāshungra; iwui pakhon lyre eina ngasoda hāngchitheira.

LAA 78:2

Ikhamor eina chānjam tui matuira; Ina achālakhawui thumkahai tui chi matuira;

EZEKIEL 17:2

“Miwui naomayara, Israelwui shimkhurli chāntam akha hānglu, kala tamkhuikapai khararchān eina hāngchitheilu;

EZEKIEL 20:49

Chieina ina hānga, “Iyavo Proho VARE! Athumna ili chāncham hangkhanganao maningmala, jihaowa.”

MICAH 2:4

Chithanghon athumna nathumli mana̱kashi laa sāra, kala wukkhananglak eina chapngachāra, kala hithāda hāngra, “Ithum shimānchao haira; ana iyurwui yar chi ngacheimi haira; kathāda ana iwui eina khuithuimihao khala! Ithumwui lui ithumli raikathābingli ngayarmihaira.”

HABAKKUK 2:6

Saikora hina ali zeida mana̱kashi eina ngasoda mahāngmaralā, “Khalattawui makhaninga ot khorhaida khaleia a chi ringkashi ngasāranu— karankhawui vang? — khalatta ngashaikakhuiwui eina shāngkakhui chi!”

MATTHEW 13:4

Kala ana khayao eina athā kaikhana shongfapheili tātunga, chi vānaobingna rāngamuizāhaowa.

MATTHEW 13:53

Kala Jishuna chānjam tui saikora chi pheikupchanghailaga, apam chiwui eina thuihaowa,

MATTHEW 22:1

Jishuna athumli chānjam akha hāngchitheiluishita

MATTHEW 24:32

“Khaorārongwui eina tamkhuilu: aphāngna nuiuda anah shokura̱akha mayo kachāng rāura da nathumna thei.

MARK 12:1

Jishuna athumli chānjam eina hāngchitheiphoka. “Mi akhana drakhā yāmgui akha sālaga kuimareida hokhaithing eina ngaveiya, atheira̱ sangkhavai akhurla chuihai kala tārongla semhai, chiwui thili yāmgui chi mili masā ngasaklaga a kha̱ram vāhaowa.

MARK 12:12

Athumna ali tukkhui khavai ngarāna, kha yaruili ngacheehaowa, kaja chānjam chi ana athumli rinlaga kahāngna da athumna machuka; chieina athumna ali horhailaga zatthuihaowa.

MARK 3:23

Chieina Jishuna athumli hokhuida chānjam tui eina hānga, “Kathada Satanna satanli kashamshokpaira?

MARK 4:13

Ana athumli hānga, “Chānjam tui hi nathum bhap matāmala? Chithākha nathum khangatei chānjambing kathada bhap tārakhala?

MARK 4:33

Athumna nganākhuikashap eina tangda paokaphā chi Jishuna chānjam tarākha eina hāshoka;

LUKE 12:41

Peterna hānga, “Proho, chānjam hi ithumli kahāngkā mi saikorawui vangkhala?”

LUKE 8:10

ana hānga, “Nathumli Vare wungramwui khangathuma tui chi theikhui khavai pangshap mihaira; kha khangateibingwui vanga chānjam thada lei. Chiwui vang eina athumna yanglala matheimara kala shālala bhap matāmara.”

JOHN 16:25

“Ina nathumli chānjam eina kahāngna; kha chānjam eina mahāngluila Avāwui pongli ngatartei eina hāngkhavai atam rāhaira.