MATTHEW 13:23 - Kathara Bible (BSI)

²³ Ngalei katumpamli yaokahai kathā chiya tui chi shālaga bhap tākhuida atheila mathei, kaikhana shāshā, hangthararuk kala kaikhana thumrārā mathei.”

MATTHEW 13:23 Iomraidhean Croise

EZEKIEL 18:31

Ili makhamayā kasā nathumna khayonkhamāng sākahahai saikora chi chihoserhaolu; kala nathum ning kala manglā kadhar sangkhuilu. Khiwui vang nathum thikida, O Israelwui shimkhur!

EZEKIEL 36:26

Ina ning kadhar sangmira, kala ina manglā kadhar sangmira; kala ina ngalungwui malung chi khuishokhaida asāwui malung phonmira.

MATTHEW 12:33

“Arong mathā ngasaklaga athei mathā ngasaklu; lah arong zakshi ngasaklaga athei zakshi ngasaklu; kaja thingrong chi awui athei eina theikhui.

MATTHEW 13:8

Kaikhana ngalei katumpamli tāzangda athei mathei, thingrong kaikhali athei shāshā kala khangateili hangtharuruk thumrārā mathei.

MATTHEW 3:10

Aruila thingrongbingwui angayungli ngahā parhaida lei. Chieina athei khamathā makhamathei thingrong kachiva̱ ta̱teklaga meilungli horsanghaora.

MATTHEW 3:8

Nathum khalatta ningngateichaohaira kaji otsak eina chitheilu,

MARK 10:15

Kachangkhat eina ina nathumli kahāngna, Varewui wungram chi naoshinao akhana khuikasang thada makhuisangakha kachilikha chili mazangmara.”

MARK 4:20

Kha ngalei katumli tākatungbing chi tui chi shālaga khuikasangbing, atheila thumrāra, hangthararuk, shāshā khamatheibing china.

LUKE 13:9

Chiwui thili zingkuma athei matheiakha phālakhaira, kha kalikha mamatheisaakha ta̱tekhainaolu.’”

LUKE 8:15

Ngalei katumpamli tākazangbing chiya tui chi shākhuilaga ningkathar kala kahāng khanganā wuklung eina singtitta khānglaga athei kachungkha khamatheibing chi kathāna.

LUKE 8:8

Kala athā kaikha ngalei katumli tāzanga; kala kharshokta shāshā mathei.” Ana hi hānglaga, “Shākhui khavai khanā kakaa china shākhuiranu” da panglāk eina vaowa.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

JOHN 8:47

Varewui mi china Varewui tui nganai; nathum Varewui mi maningthuda awui tui makhanganāna.”

OTSAK 16:14

Ithumwui tui khanganā athumwui ngachaili kachon khamenga khayorva̱, Thyatirawui eina kharā Lydia kahova̱ zanga. A Vareli khokharumva̱ sha̱nao akhana, chieina Paulna kahāng chi ningsanglak eina nganā khavai Prohona awui wuklung shomi.

OTSAK 17:11

Thessalonicawui mibingliva chiwui mibingna ning hakmeikhāra. Athumna chānpao chi ningsanglak eina nganai kala thangkachida Paulna kahāng chi kachangkhat mashungka mamashungmakhala kaji theikhavai kathara lairik chi pāchinga.

2 CORINTHNAO 9:10

Khayaoali yaokhavai athā kala zākhavai zāt khame Varena nathumwui khalei chungsang ngasakra kala khamashung khangarongwui heithei mataisang ngasakra.

PHILIPPINAO 1:11

Vareli tekmatei khavai kala masochikat khavai, Khrista Jishumāngna mikashap kaphā magunbing chi nathumwui mirinli pemtinghaora.

PHILIPPINAO 4:17

Nathumna thada khami ot chi ningkachāng maningmana, kha nathumwui otsak khamathā chi mataisang ngasakngai.

COLOSSIANAO 1:10

Chieina Prohowui ningkachāng athishurda nathumna ringshapra kala atam kachida ali ningyāng ungngasakshapra. Nathumwui mirin china khamathā ot kachungkha sāshapra kala Vareli mataimeida theikhuira.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

1 THESSALONICANAO 4:1

Ivānaobing, naomeikapta Vareli ningyāng ungngasak khavai nathum kathada okthuirakhala kaji ithumwui eina tamkhuihaira. Hi nathumna ringda khalei mirin chipapama. Ara Proho Jishuwui mingli nathumna chili mataimeida ringkhavai kapona.

2 THESSALONICANAO 2:10

kala shimānki kaje athumli makaphā-makhayā ot kachungkha eina minamra. Athum shimānra, kaja kahui samphang khavai khamashung chi athumna makhuisangthu kala maleishithuwa.

HEBREWNAO 4:2

Kaja athumna kashā thada ithumla paokaphā chi shāhaira, shālala athumwui vang kānkhanā maleimana. Khiwui vangkhala kaja athumna kashā tharan shitkasang eina ngasoda makhuisangthuwa.

HEBREWNAO 6:7

Zingrot tārorda mazimkakhui kala lui khavābingwui vang kānkhanā arongbing khar khangasaka ngalei chili Varena somi.

HEBREWNAO 8:10

Ina Israelnaobingli tuingashit sāki kaji chi hina da Prohona hānga: Rārāda khalei atamle ina iwui ainbing hi athumwui ningli sangmira, kala athumwui wuklungli kapisangmira. I athumwui Vare sāra, athum iwui mi sāra.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.