MATTHEW 13:12 - Kathara Bible (BSI)

¹² Kaja khalei a chili mataimeida mirorra, chieina ana chungmeikhar leihaora. Kha makhaleia a chiwui eina kateokha khalei chila khuishokhaora.

MATTHEW 13:12 Iomraidhean Croise

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 25:29

Khikhalajila khaleia mi kachiva̱li chungmeida mirorra, kala ana sorngasaida leira; kha makhaleia mi chiwui eina awui kateokha khalei chila khuithuihaora.

MARK 12:9

Drakhā yāmguiwui akhavā china khi sangayikhala? Ana unglaga khamasābing chili shaothatserhaora kala yāmgui chi kateibingli mihaora.

LUKE 10:42

kha khavāt akha lei, Maryna awui eina makhuithuiki kaji chi kapangkhuihaira.”

LUKE 12:48

Kha akhavāwui ningkachāng makatheiwui vang khalāng ot sākahai a china tandi samphanglala teomeira, kachungkha mikahai mi kachiva̱wui eina kachungkha khuishokpapamra kala chungmeida chisin kahaipawui eina chungmeida pora.

LUKE 16:2

Chieina ana lansina chili hokhuida ngahāna, ‘Nawuitungli kaphen hi khikhala? Nawui lansin saikorawui hishap khuirālu, kaja na aja eina thuilaga lansina masāluipaimara.’

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

LUKE 8:18

“Chiwui vang eina nathum nganākhuikazaklu, khikhalajila khaleia chili chungmeida mira kala makhaleia chiwui eina ana lei da kaphaning chila khuithuihaora.”

LUKE 9:26

Kachikathā mina iwui vang kala iwui tuiwui vang khayakakha miwui Naomayarana awui tekhamatei kala Avā eina kazingraobingwui tekhamatei eina rāthanghon awui vangla khayakhaora.

JAMES 4:6

Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”

PHONGKHAMI 2:5

Kachiwui eina na tātunghaokhala da phaningyanglu; laga ningngateida kharewui sākasā thada sālu. Nawui moreiwui eina ning mangateiakha ina nali rāda nawui thaomeishong chi awui apamwui eina rākhuithuihaora.