MATTHEW 13:11 - Kathara Bible (BSI)

¹¹ Chieina ana athumli ngahānkai. “Nathumli kazing wungramwui ngathum kahai chi thei khavai mihaira, kha athumli chi mamimana.

MATTHEW 13:11 Iomraidhean Croise

LAA 25:14

Ali khangacheebingli Prohona, ngasotnao sāmi, awui tuingashit athumli ana theingasaka.

ISAIAH 29:10

Kaja Prohona nathumwuitungli piphupkhangaiwui manglā heirorhaira, kala marānbing, nathumwui mik fakhammihaira, kala kui fakhammihaira.

ISAIAH 29:11

Saikora khamahā hi nathumwui vang mahor namkahaiwui lairik kathā ngasāhaowa. Khikateikhada pākatheibingli, “Hi palu”, da kasoakha athumna, “Mapārarmara, hi mahor namkahaina” da hānga.

ISAIAH 35:8

Kala chili chānrei akha leira, chili kathara shongfa hora. Makathara yurna chili mazatpaimara, mangkhama̱bingna machonmakānpaimara.

MATTHEW 13:10

Chiwui thili sākhangatha̱bingna ali unghānga, “Khiwuivang eina nana athumli chānjam eina tamchitheikhala?”

MATTHEW 16:17

Chieina Jishuna ali ngahānkai, “Johnwui naomayara Simon, na ka̱lā mahai! Kaja nali asā khavaiya kala ashee kazangana phongkhami maningmana, kha kazingramli khalei iwui Avāna phongkhamina.

MATTHEW 19:11

Jishuna ngahānkai, “Mi kachiva̱na tamkachithei hi mayāser kaji maningmana, kha Varena mikahai athum māngna khuikasangna.

MATTHEW 20:23

Ana athumli hānga, “Nathumna iwui tengkot chi mangra, kha iwui yāshong kala uishong pamkhavai mayāmiki kaji chi I maningmana, kha chiya iwui Avāna ngarān kahaiya athumwui vangna.”

MARK 10:40

kha iwui yāshong kala uishong khipāli pamngasakra̱khala da kakapang hi iwui maningmana, kha Varena ngaranping kahai athumwui vangna.”

MARK 4:11

Jishuna athumli hānga, “Nathumli Vare wungramwui khangathuma tui chi mikahaina, kha chili makazangbingli chānjam tui eina shākhui khangasakna.

LUKE 8:10

ana hānga, “Nathumli Vare wungramwui khangathuma tui chi theikhui khavai pangshap mihaira; kha khangateibingwui vanga chānjam thada lei. Chiwui vang eina athumna yanglala matheimara kala shālala bhap matāmara.”

JOHN 6:65

Chieina Jishuna hānga, “Hiwui vang eina nathumli hānghaira kaja Avāva̱na khamayāpā chi maningla khipākha iwuili marārarmara.”

JOHN 7:17

Kachikathāna Varewui ningkachāng chi sāngaida leiakha, ina tamkachithei hi Varewui eina kharākā, I khalattawui sāshap eina khamatuikhala kaji theira.

OTSAK 16:14

Ithumwui tui khanganā athumwui ngachaili kachon khamenga khayorva̱, Thyatirawui eina kharā Lydia kahova̱ zanga. A Vareli khokharumva̱ sha̱nao akhana, chieina Paulna kahāng chi ningsanglak eina nganā khavai Prohona awui wuklung shomi.

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 16:25

Ithum Vareli tekkmatei ngasaksa! Ina hākashoka paokaphā Jishu Khristawui chānpao athishurda kala achālakhawui eina ngathumhaikasā khamashung chi phongmi kahai athishurda Varena nathumwui shitkasang pheisin ngatar ngasakshapa.

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

1 CORINTHNAO 15:51

Nganālu, kathuka tui akha hāngga; ithum mathisermara kha khanaowa talla̱ kakhong tharan ithum saikorawui azak mikkhayip akhawui lungli onhaora. Kaja talla̱ kakhong tharan kathebing ringshokra, mathiluilakmara kala ithum saikora azak onserhaora.

1 CORINTHNAO 2:14

Manglā makazanga mi china Varewui lemmet khamimi chi makhuirarmana; chikathā mi chi theishingkakhuila maleimana kala chi awui vanga kakhalat makhalei thāhaowa, kaja chiwui aman kasak chi manglārinwui pheisin eina theiki kajina.

1 CORINTHNAO 2:7

Ina tamkachithei thangkhamei tui chi mikumona matheivākharar Varewui kathuka thangkhamei ngasāsalala okathui masāranglakha ithumli tekmatei ngasak khavai Varena ngarānpinghaikasana.

1 CORINTHNAO 4:1

Ithumli Khristawui otram khangatha̱bing kala Varewui kathuka mashun tui horsangmi kahaibingna da phaningphalungra.

1 CORINTHNAO 4:7

Khipāna nathumli khangateibingli hakmei ngasakkhala? Nathumwui khalei saikora hi Varena khami maningmalā? Chithākha kathada nathumna samphangda khalei chi lemmet makhaning thada langsopaikhala?

EPHESIANAO 1:18

Nathumwui ning shoda awui kahor theikhavai ina pomi, china nathumli hokakhuiwui kachihān chi khikhala kala awui mibingli kayākha tekhamatei lan ngashitmihaikhala da nathumna mathingrik theira,

EPHESIANAO 1:9

Varena awui kharin chi sai kala Khristawui mangā eina tongda ungshung ngasakki kaji ngathum kahai khangarān chi ithumli theingasakhaira.

EPHESIANAO 5:32

Kathara lairik hili kathuka ngathum kahaiwui mashun phongshok kahai hi Khrista eina churchwui pongli kahāngna da ina bhap tai.

EPHESIANAO 6:19

Ina matui khavai khangarān kasā tharan, Varena awui chānpao chi mikhavai, iwui vangla seihā sāmilu, chithākha ina pinglak eina matuida paokaphāwui ngathum kahai tui chi theingasakpaira.

COLOSSIANAO 2:2

pingmeida kala leikashina kompeimida theishingkakhuiwui eina kharā ngashitmi kahai chi samphang khavai ina hi kasāna; chithākha athumna Varivarawui ngathum kahai Khrista chi theira.

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

1 TIMOTHY 3:9

shitkasangwui kathuka tui chi athumna singtitphalungra.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

1 JOHN 2:20

Kha Khristana heirorkhami Manglā Kathara chi nathumna samphanghaira, chiwui vang eina nathum saikorana khamashung chi theikahaina.

1 JOHN 2:27

kha nathumwui vanga Khristana nathumli Manglā Kathara heirormihaira. Awui Manglāna nathumli ngasomida leilakha eina tangda nathumli khangateina tamkachithei kankhanā maleimana, kaja awui Manglāna saikora tamchithei kala ana tamchithei kahai chi khamashungmānga, khalāng mazanglakmana. Tamchithei kahai saikora chi mayonda Khristali leichinglu.