MATTHEW 12:7 - Kathara Bible (BSI)

⁷ Kaja ‘Ina pha̱kaphayāle lukhamashan ningchangmei’ kaji hiwui kakhalat nathumna khikhala da theihairasāsi kaje nathumna khayon makhalei mili khayon mamisāmara.

MATTHEW 12:7 Iomraidhean Croise

JOBWUI LAIRIK 32:3

ana Jobwui ngasotnao kathumlila malungvāta kaja Job yonhaira da phongshokhailaga ali ngahānkā khavaiva maleithuwa.

LAA 109:31

Kaja ana khavātabingwui yāshong nganingmi, sāthat khavai kasābingwui eina ngatangkhuimi khavai.

LAA 94:21

Khangarongawui mirinli mamayāmada athumna ngarumda khuma, khalāng makhalei mili thikhavai khayon mi.

CHĀNSAM 17:15

Makhayaali mashun khami, khamashungli yonkhangasaka chi Prohowui mangāli ningkakachai ot thathuiya.

HOSEA 6:6

Kaja Ina makhangachei leikashi chi ningchānga, pha̱kaphayā maningmana, rikkatā kachigatpāle Vareli theikakhui ningchāngmei.

MATTHEW 22:29

Jishuna ngahānkai, “Nathum yonhaira, khikhalajila nathumna Kathara Lairikwui tuila kala Varewui pangshapla matheimana.

MATTHEW 9:13

Vālu laga ‘Ina kachigat maningchāngmana kha lukhamashan ningkachāngna’ da kahāngwui kakhalat khikhala kaji angahānkhuilu. Kaja ina khamashung khangarongbingli hokhui khavai kharā maningmana kha morei kaphungbingli hokhui khavai kharāna.”

MARK 12:33

kala ali wuklung, theishingkakhui, kala yāng tongtingda leikashi kala khongnainaobingli khalattali leikashi thada leikashi hina rikkatā kachigat kala pha̱kaphayāli mataimeikhara.”

OTSAK 13:27

Kaja Jerusalemli kapam mibing eina kathānabingna a Huikhamena kaji matheithuwa, lah sabbath kachida pāda khalei marānbingwui tuila bhap matāthuwa. Kha Jishuli khayon khami china marānbingwui tui chi ungshung ngasaka.

JAMES 5:6

Angalang makhalei mili nathumna yonngasakta shaothathaira, ana nathumli mangasungmana.

JOSHUA 5:5

Egyptwui eina kashoka mi saikora ahui rimshokhaisa-ilala, shok kahaiwui thili shongfa lamhānglungli kapharā mi saikora ahui marimshokrangsai.

1 SAMUEL 15:22

Kala Samuelna hānga, “Prohowui kahāng khanganāli lāngmeida rikkata kachigat kala phākaphayāli Prohona ningyāng ungmeihaola? Yanglu, pha̱kaphayāli kahāng khanganā phamei, kala asā kakā yaovāle awui tui khuikasang phamei.