MATTHEW 12:43 - Kathara Bible (BSI)

⁴³ “Makathar manglā makathara china mi akhawui eina shokhailaga ngalei kathengli awui ngasām khavai phavai kha pamkhavai akhala masamphangthuwa.

MATTHEW 12:43 Iomraidhean Croise

JOBWUI LAIRIK 1:7

Chieina Prohona Satanli ngahāna, “Na kachiwui eina kharākhala?” Satanna Proholi ngahānkāda hānga, “Okathuili zatung zatkhavāwui eina, kala chiwui alungli zatshang zatkatāwui eina kharāna.”

JOBWUI LAIRIK 2:2

Kala Prohona Satanli ngahāna, “Na kachiwui eina kharākhala?” Chieina Satanna Proholi ngahānkāda hānga, “Okathuili zatung zatkhavāwui eina kala chiwui alungli zatshang zattā kasāwui eina kharāna.”

LAA 63:1

O Varivara, na iwui Varena, ina nali phai; imanglāna nali ra̱changda; katheng lamhāngli tara̱ makhalei thāda imanglā vānhaida nali phai.

ISAIAH 41:18

Ina ngaikhok kahai kajuili kong long ngasakra; tampākwui lungli ura̱ shokngasakra; lamhāngla ina ra̱khong ngasā ngasakra, kala ngalei kathengpamli ura̱ okngasakra.

MATTHEW 12:44

Chieina ana ‘Ina pamkasā shim chili latungura’ da hānga. Ana latkhaung tharan shim chili khipākha maleisāmana kala pha̱mathā kharikhailaga mathāsek eina leisai.

MATTHEW 8:29

Jishuli samphangkhaleoda anina vaoda hānga, “He Varewui Naomayara, inili nana khi sāki kajikhala? Atam maungshungranglakha nana inili rekharek khavai apam hili kharālā?”

OTSAK 8:13

Simonnala shitsanghaoda alila ra̱hikmi. Kala ra̱hikmi kahaiwui thili Philipli ngasozatchinga kala matakhak kahai kala machut tarākha kasā chi theilaga matakhakhai.

1 PETER 5:8

Mikringda ngasharlu, nathumwui yangkashe chipee chi kazingkha̱ thada nirlaga kachikathāli shaikhavai zatung zatvāda phāzatta lei.