MATTHEW 12:41 - Kathara Bible (BSI)

⁴¹ Bichar sāthanghon Ninevehwui mibingna mithot hili ngasoda ngakarthuira kala nathumli athumna khayon phenra. Khiwui vangkhala kaja Jonahn pao hākashok eina athumna ning ngateihaowa kala yanglu, Jonahli reikhameia kachikatha akha hili leili.

MATTHEW 12:41 Iomraidhean Croise

ISAIAH 54:17

nathumli ngazai khavai khutlai kasema chi mamataisangmara, kala bichar kasāli nathumli mamayāmada ngakarkathui yur chi nguiya da nathumna ngahānkāra. Hi Prohowui raobingwui shimlui ngasāra, kala iwui eina athumwui mashun phākhamina,”

JEREMIAH 3:11

Kala Prohona ili hānga, shitkasang makhaleiva̱ Israel khalattana makhamashungva̱ Judahli khayon suitāmei da chitheihaira.

JONAH 1:2

“Ngakarthuida kahaka keinung Ninevehli vālu, kala chili makhamayā tui avaolu; kaja athumwui makaphā makhayā chi ili shākāhaira.”

JONAH 3:4

Jonahna keinung chili vākhavai zatphokta thangkhawui shongza zata. Kala ana vaoda, “Zimiksho hangmatithang leilaga Nineveh shimānhaora!” da hānga.

MATTHEW 12:39

Kha ana athumli ngahānkai, “Makaphā kala phokaphā thotna machut phai; kha chi marān Jonahwui machut maningla khangatei machut mamimara.

MATTHEW 12:42

Bichar sāthanghon Azingvākwui awungva̱na mithot hili ngasoda ngakarthuira kala chili yonshinamra kaja ana Solomonwui thangkhamei chi nganā khavai okathui akatangwui eina rai, kala yanglu, Solomonli reikhameia kachikatha akha hili leili.

MATTHEW 12:45

Chi theilaga ali zakshi khamei manglā makathar shini ahokhuida athum shim chili ungpama. Chieina mipā chiwui mirin kharepāle khanaowa hina zakshimeikharhaowa. Makaphā mithot hilila chithada shokra.”

MATTHEW 12:6

Ina nathumli kahāngna, Varewui shimli reikhameiya kachikatha akha hili leili.

MATTHEW 16:4

Makaphā makhayā kala phophāt thot hina machutmāng phāzata. Kha Johnawui machut chi maningla machut khangatei nathumli mamimara.” Chieina ana athumli chihohailaga zatthuihaowa.

MATTHEW 17:17

Chieina Jishuna ngahānkai, “He shitkasang makhaleia ngakaikashe thot, ina nathumli karankha ngasopamfara? Ina nathumli karankha ja̱mifarakhala? Ali iwuili khuirālu.”

MATTHEW 23:36

Kachangkhat ina nathumli kahāng hina, saikora hi thot hiwuitungli tāra.

LUKE 11:32

Ninevehwui mibingna thot hili ngasoda bichar sāthanghon anganingrumda athumli khayon mira; kaja athumna Jonahna paokhamathā hākashok chi khuisangda ningkhangatei samphanga, kala yanglu, Jonahli reikhameia akha hili leili.

JOHN 3:31

Atungshongwui eina katā china saikorali reimei. Okathuiwui eina kharā china okathuiwuina, kala okathuiwui apongli matui, kha kazingramwui eina kharā a china saikorawuitungli lei.

JOHN 4:12

Ishawo Jacobli na reimeila? Ana ithumli ra̱khong hi khamina, kala ala awui naongarābingla kala sha̱keibingla hi mangkasāna.”

ROMNAO 2:27

Chiwui vang eina nathum Jihudibing, ain leilaga ahui rimshoka, laga ain sākakhaiwui vang nathumli ahui marimkashokbingna ngashimshira. Khiwui vangkhala kaja athumva phasāli ahui marimshokchaolala ain mayona.

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.