MATTHEW 12:40 - Kathara Bible (BSI)

⁴⁰ Kaja Jonahna ngashun ngayā kathumthang khaihwui wuklungli kapam chithada miwui Naomayarala ngashun ngayā kathumthang ngaleilungli pamra.

MATTHEW 12:40 Iomraidhean Croise

2 WUNGNAOBING 14:25

Israelwui Proho Varena awui rao Jonah marān Gath-hepherwui Amittaiwui naomayarali hāngmi khangasak tui athishurda, Israelwui thari Hamathwui zangkhavai eina thuida Arabah Ngayi vāshungda hanshokmi.

LAA 63:9

Kha imanglā shimān khavai kasā athum okathuiwui kathuka chili zangra;

JONAH 1:17

Kala Prohona khaih kahakva akha ngarānmida Jonahli mayuisang ngasakhaowa; kala Jonahna khaihwukli ngashun kathum ngayā kathum pama.

MATTHEW 12:8

Khikhalajila miwui Naomayarana Sabbathwui Prohona.”

MATTHEW 16:21

Atam chiwui eina thuida Jishuna awui sākhangatha̱bingli, ana Jerusalemli vālaga ararnaobing, pāngmon akhokabing kala ain kathembingwui eina kachotkachāng tarākha samphangra kala shaothathaora kha kathumthangwui thili ringshokluishitra kaji chitheiphokhaowa.”

MATTHEW 17:23

athumna ali shaothatra; kha kathumthangwui thili ringshokluishitra.” Chieina sākhangatha̱bing wukhananglakhaowa.

MATTHEW 27:40

“khorumshim shimān ngasakhailaga kathumthangwui alungli sakāluishitra da kahāngapā, nakhalatta huikhuilu! Varewui Naomayarana jiakha krushwui eina tunglu.”

MATTHEW 28:6

A hili maleimana, khikhalajila ana hāngkahai athishurda ava ringshokhaira. Ali chipet kahai pam hi rāyanglu.

MATTHEW 8:20

Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

JOHN 2:19

Jishuna ngahānkai, “Khorumshim hi sākhaihaolu, laga ina kathumthangwui alungli sakāluira.”