MATTHEW 12:4 - Kathara Bible (BSI)

⁴ ana kathada Varewui shimli zanglaga Ngasokhamiwui khamui pāngmon maningla mashaipaiki kaji chi, a eina ali ngasokazatbingna shaihao?

MATTHEW 12:4 Iomraidhean Croise

SHONGZĀ 25:30

Kala nathumna Ngasokhamiwui khamui iwui mangāli tabletungli haichingphalungra.”

PĀNGMONSHI 8:31

Kala Mosesna Aaron kala awui naomayarabingli hānga, “Asā chi kazip khavai kachonshimwui khāmongpheili hangshailu, kala ina kaso kahai thāda tharkachisinwui lukli kazang khamui chieina ngasoda shailu; kaja kaso kahai thāda, ‘Aaron kala awui naomayarabingna shaiki kajina;’

MATTHEW 12:3

Ana athumli ngahānkai, “David eina ali ngasokazatbingna thaikahai tharan khi sākhala kaji nathum mapāyangmalā:

MATTHEW 12:5

Lha Sabbath kachida Varewui shimli khalei pāngmonbingna sabbathwui ain sākhaichinglala athum mayonmana da Moseswui ainli hāngkahai chi nathum mapāyangmalā?

MARK 2:26

Abiatharna pāngmon kharei sāda leilakha ana kathada Varewui shimli zanglaga pāngmonbing maningla khangateibingna shaikashar Ngasokhamiwui khamui chi shaihao kala ali ngasokazatbinglila mishaihao kaji mapākhuihaira?”

LUKE 6:4

Kathada ana khorumshimli zanglaga pāngmon maningla khangatei khipānakha mashaikapai Ngasokhamiwui khamui shaihao kala ali khangasobinglila mishaihao!”

HEBREWNAO 9:2

Kachonshim akha sākhuilaga shokkhamayara kā chili Kathara Apam hoi. Chili meishong kala table eina ngasoda Ngasokhamiwui khamui hai.

1 SAMUEL 21:4

Chieina pāngmon china Davidli ngahānkai, “Khangachā khamui iwuili maleimana, kha kathara khamui leili; kalikhada nawui yaronnaobingna sha̱naobingli phasā mangarumsaakha shaipaira.”

1 SAMUEL 21:6

Chieina pāngmon china kathara khamui chi ali khuimi; kaja Ngasokhamiwui khamui maningla katei maleisāthuwa, chi Prohowui mangāli kakhuina. Khuithuithang zimiksho lumturtur kahai khamui eina shinki kajina.