MATTHEW 12:39 - Kathara Bible (BSI)

³⁹ Kha ana athumli ngahānkai, “Makaphā kala phokaphā thotna machut phai; kha chi marān Jonahwui machut maningla khangatei machut mamimara.

MATTHEW 12:39 Iomraidhean Croise

2 WUNGNAOBING 14:25

Israelwui Proho Varena awui rao Jonah marān Gath-hepherwui Amittaiwui naomayarali hāngmi khangasak tui athishurda, Israelwui thari Hamathwui zangkhavai eina thuida Arabah Ngayi vāshungda hanshokmi.

ISAIAH 57:3

Kha, laivā kathemawui naobing, nathum hili rānganailu, shāmkasā kala khayorva̱̱wui ara̱-azābing.

JONAH 1:1

Amittaiwui naomayara Jonahli Prohowui tui chi hithāda rāhānga.

MATTHEW 16:4

Makaphā makhayā kala phophāt thot hina machutmāng phāzata. Kha Johnawui machut chi maningla machut khangatei nathumli mamimara.” Chieina ana athumli chihohailaga zatthuihaowa.

MARK 8:12

Kha ana khananglak eina ngahuida hānga, “Mithot hina khisāda machut kaphākhala? Ina nathumli kachangkhat eina kahāngna, mithot hili machut khikhala machitheimara.”

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.