MATTHEW 12:32 - Kathara Bible (BSI)

³² Kala iwui Naomayarali makhamayā tui khamatuia chilila pheomira; kha Manglāli Katharali makhamayā tui khamatuia chili thot hilila kala rākharā thotlila mapheomimara.

MATTHEW 12:32 Iomraidhean Croise

JOBWUI LAIRIK 36:13

“Vare makathei mina malungkhavātli akachang sai, athumli ana kakhalap tharan, ngachonmi khavai mangakaomana.

MATTHEW 11:19

miwui Naomayarana phāshak-phazai, kala athumna, ‘Yanglu, a morkahaka, khamalipa kala khāshinā khalokabing eina morei kaphungbingwui ngasotnaona’ da matui. Chithālala thangmei chi chiwui otsak eina theikhuiya.”

MATTHEW 12:31

Chiwui vang eina ina nathumli kahāngna, morei kala kachipat tui khamatui kachiva̱wui vang mikumoli pheomira; kha Manglāli kachipata chili mapheomimara.

MATTHEW 12:8

Khikhalajila miwui Naomayarana Sabbathwui Prohona.”

MATTHEW 13:22

Ka̱shātronglungli yaosang kahai athā chiya tui chi shālala mirinwui vang malungkharing kala lanli leikashina tui chi shangthathaowa kala atheila mamatheithuwa.

MATTHEW 13:39

Rāman khayaoa yangkashe chi chipee china. Māhā atam chi okathui khangachang atam china, kala kahātbing chi kazingraobingna.

MATTHEW 13:40

Rāmanbing kazipkhuilaga meili thottā kahai thada thot akatanglila chithāpapamra.

MATTHEW 13:55

A mistriwui naomayara chi maningmalā? Ava̱li Mary mahomalā? Kala James, Joseph, Simon kala Judah awui achināngarā maningmalā?

MATTHEW 8:20

Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

MARK 10:30

mi chi shimluila, achināngarāla, azarva̱ngarala, ava̱ngarala, naongarāla, chili lāngda rekakharekla thot hili shāshā mataida samphangra; kala rakharā thotli makashimān kharing samphangra.

MARK 3:28

“Kachangkhat eina ina nathumli kahānga, miwui naomayarabingli morei saikora kala kachipat tui khamatui saikora pheomipaisera;

MARK 3:29

kha Manglā Katharali kachipat mi chi pheokhami masamphanglakmara; kha chi katang makhavai morei khayona”—

LUKE 12:10

“Miwui Naomayarawuitungli makhamayā tui khamatui saikora pheomira, kha Manglā Katharali kachipata chili mapheomimara.

LUKE 16:8

“Akhavā china ningmakathar lansinawui arah kathem chiwui vang soi kaja okathui hiwui mibingna athumwui thotliva kahorwui naobingli thangmeimeikhara.”

LUKE 18:30

aruihonwui thotli mataimeikharda rārāda khalei thotli makashimān kharing masamphangki kaji khipākha maleimana.”

LUKE 23:34

Jishuna hānga, “Avā, athumli pheomilu, athumna khi kasākhala da matheimana.” Kala awui kashankachon ngayar khavai athumna ka̱lā yanga.

LUKE 7:34

Miwui Naomayarana rāphāshak rāphāzai, laga nathumna ‘Yanglu, a morkahaka, khamaripa kala khāshinā khalokabing eina morei kaphungabingwui ngasotnaona’ da phena.

JOHN 7:12

Mibingna Jishuwui pongli ngazek ngaroka; kaikhana “A kaphā mina” ji, kala kaikhana “Mibingli ana thannguihaira” da hānga.

JOHN 7:39

Hi ali shitkasangbingna samphangki kaji Manglāwui tui kahāngna. Kaja Jishuna tekhamatei eina maringshokrangsāthuda Manglā chi mamirangsai.

JOHN 7:52

Chieina athumna ngahānkai, “Nala Galileewui eina kharāla? Kathara Lairik pāyanglu, kachilikha Galileewui eina marān mashoklakmana kaji theira.”

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

EPHESIANAO 1:21

Kazingramli khalei akhavā kasābing pangshap khalei, khangam-kharei saikorawuitungli Khristana munga; kala aruihon khalei, naoda rāki kaji okathuiwui mingpho saikorawuitungli reikhamei mingpho chi awuili lei.

1 TIMOTHY 1:13

khareli ina ali mashāta, rekhareka, kala chipata. Kha Varena ili lumashanmi kaja I mashitsangmana, chieina ina kasā chi I matheisamana.

1 TIMOTHY 1:15

Hi khuisangkapai kala shitsangkapai khamashunga chānjamna. Khrista Jishuna morei kaphungbingli huimi khavai okathuili rai. Chiwui ngachaili I morei phungmeikapa.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

1 TIMOTHY 6:17

Okathuili kashāngbingli malangso khavai kala akachang makhaning lanli machihān khavai, kha ot saikora ithumli ringphā khavai mavātla khame Vareli chihānthei khavai machinlu.

2 TIMOTHY 4:10

Demasna aruihonwui okathuili leishimeihaoda ili chihohailaga Thessalonicali vāhaira. Crescensla Galatiali vāhaira kala Titusna Dalmatiali vāhaira.

TITUS 2:12

Lukhamashan china ithumli Vare makathei mirin kala okathuiwui khamathang horngasakhailaga khalatta khangarin mirin, mashungrik eina kala Vareli theida okathui hili okthui khavai tamchitheimi.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.