MATTHEW 12:30 - Kathara Bible (BSI)

³⁰ “Ili makazanga mi chiya ili makhamayāna kala ili ngasoda makakazipa a chi sākakathānana.

MATTHEW 12:30 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

LAA 94:16

Makhayāwui eina iwui vang khipāna nganingmi? Makaphā kasaali iwui vang khipāna nganingmi?

CHĀNSAM 11:24

Thada khame china shāngsanga; miphalungki kaji makhame a chiya khavāt samphanga.

HOSEA 1:11

Kala Judahwui mibing eina Israelwui mibing kaziprumhaora kala athum khalattawui kathāna akha kapangra; kala athumna ngalei chili mungra, kaja Jezreelwui thot malinglakra.

MATTHEW 12:29

“Maningakha kathada mi akhana kapanga mi akhawui shimli azanglaga pheipāng makhalaphaila awui thongthāng ngaponpairakhala? Khalap kahaiwui thili ngaponpaiya.

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

MARK 9:40

Kaja ithumli mangakaikashe a chi ithumwui mina.

LUKE 11:23

“Ili makazanga mi chi ili makhamayāna, kala ili ngasoda homkakazipli makazanga mi chi kasham kahaiana.

LUKE 9:50

Kha Jishuna ali hānga, “Ali makhāmhaialu; kaja nathumli mangakaikashebing chi nathumwui mina.”

JOHN 11:52

Kala athumwui vangmāng maningla, Varewui mibing chaiyāng eina leikasābingli akha sāda ungkazip ngasakra kajina.

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”

JOSHUA 5:13

Joshuana Jericho ngalemli vākashung tharan, ana yangkakā eina mi akha raighai sutshokta chi singlaga nganingsai kala Joshuana ali vāda angahāna, “Na ithumwui mika, ithumwui yangkashekhala?”

1 JOHN 2:19

Athum chi ithumwui ngarumsakli kachangkhat makazangwui vang thuikahaina; ithumli zangchaosi kaja athum mayāmlakmara. Kha ithumwuili mazangchaomana kaji ngahāhang eina theikhui khavai athum thuikahaina.