MATTHEW 12:28 - Kathara Bible (BSI)

²⁸ Kha Varewui Manglā eina ina kameobingli kashamkashokna jiakha Varewui wungram chi nathumwuitungli rāhaira.

MATTHEW 12:28 Iomraidhean Croise

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 7:14

Ali pangshap kala tekhamatei kala wungram mi, kaja miyur saikora, yur saikora kala, tuiyur saikora ali otram ngatha̱ khavai; awui pangshap katang makhavai pangshapna; chi kashimān kaho maleimara; kala awui wungram chiya sākashimān maleimara.

MATTHEW 12:18

“Yanglu, ina kapangkhui kahaia rao, iwui khaluma kala ina ningyāngkhaunga. Ina ali iwui Manglā sangmira, kala ana Gentilebingli mashun bichar vaomalānmira.

MATTHEW 12:29

“Maningakha kathada mi akhana kapanga mi akhawui shimli azanglaga pheipāng makhalaphaila awui thongthāng ngaponpairakhala? Khalap kahaiwui thili ngaponpaiya.

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

MARK 1:15

“Retkahai atam chi rāhaira, kala Varewui wungram nganaishunhaira. Ningngateilu kala paokaphā chili shitsanglu.”

MARK 11:10

“Rakharā ishava Davidwui wungram ka̱lā mahaimeiranu! Juikhamataiali hosanna” da panglāk eina vaowa.

MARK 16:17

Kala shitkasangbingli machut hi ngasora, iwui mingli athumna kameo kashamshokra; athumna tuiyur kadharla matuira.

LUKE 10:11

‘Nathumwui makhamayāwui vang ithumwui pheili kakā nathumwui keinungwui chifa eina tangda kathangkatāna. Kha hi theilu kaja Vare wungram chi nganailakhaira.’

LUKE 11:20

Kha Ina Varewui pangshap eina chipee kashamshokakha Varewui wungram chi nathumwuili rāshunghaira.

LUKE 16:16

“Ain kala marānbingwui tui chi Ra̱hikme Johnwui thot eina tangda leisai, chiwui thili Vare wungramwui paokaphā hi hāshokphoka; kala mi kachiva̱na chili nganurzanga.

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

ROMNAO 14:17

kaja Vare wungram hiliva kashaikashakna akachanga maningmana, kha Manglā Katharana khami khamashung-khangarong, chingri kahai kala ringkaphā china,

COLOSSIANAO 1:13

Ana tangkhamangwui eina ithumli kanshokmida awui khaluma Naomayarawui wungramli khuiungmihaira.

HEBREWNAO 12:28

Makhangatha̱ wungram ithumna samkaphangwui vang ningshisa. Varena ningyāng ungkhavai kakhayak khangachee eina ngasoda ali ningshida khorumsa.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.