MATTHEW 12:27 - Kathara Bible (BSI)

²⁷ Ina Beelzebulwui pangshap eina kameobing kashamkashokna jiakha nathumnwui mibingna khipāwui pangshap eina kashamshokkhala? Chithākha athumna nathumwui bichar kasaa ngasāhaora.

MATTHEW 12:27 Iomraidhean Croise

MATTHEW 10:25

Sākhangatha̱ china awui ojāwui thada kala araona awui akhavāwui thada ningli kapen chi shapa. Athumna shimva̱ chili Beelzebul hoakha shimkhurwui mi kateibingli kayākha zakshimeikharda horakhala?

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MATTHEW 9:34

Kha Phariseebingna hānga, “Kameobingwui akhavā chiwui pangshap eina ana kameo kashamshokashapna.”

LUKE 11:19

Ina Beelzebulwui mangā eina chipee kashamkashokna jisi kaja nathumwui thikashurabingna khipāwui mangā eina chipee kashamshokrakhala? Chithākha athumna nathumwui bicharsame ngasāhaora.

LUKE 19:22

Ana ali hānga, ‘He makaphā rao! Ina nali nawui chanhān tākam eina bichar sāra. Nana I sākashena, iwui makhaning chi kakhuia kala makhayao chi hātkakhuiana da thei jihaira!

ROMNAO 3:19

Ara ithumna thei kaja ainli hāngkahai kachiva̱ chi ainwui azingli khaleibingwui vangna, chiya mikumona hāngkakatei maleila okathui katonga Varewui bichar kasāli zangkhavaina.