MATTHEW 12:25 - Kathara Bible (BSI)

²⁵ Jishuna athumwui kaphaning chi theihaoda athumli hānga, “Khalatta ngayarkazam kahai ngalei kachiva̱ shimānhaora kala keinung nilala, shimkhur nilala khalatta ngayarkazamhaiakha manganingrarmara.

MATTHEW 12:25 Iomraidhean Croise

1 WUNGNAOBING 16:21

Chiwui thili Israel kaikhani sāhaowa; ngakaipakna Ginathwui nao Tibnili awunga sangra jihaowa, ngakaipak akhana Omriwui thi shurthuihaowa.

LAA 139:2

Ina pamlala kala nganinglala nana thei; katāva̱wui eina iwui ning nana thei.

ISAIAH 9:21

Manasseh Ephraim, kala Ephraim Manasseh ngarumda Judahli mamayāmana. Saikora hiwui vang awui malungkhavāt mavānranga; kala awui pāng katingching dalei.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

AMOS 4:13

Kaja yanglu, kaphung kasaa, masi sākashoka, kala awui kaphaning mili hāngkhame, ngathorshong tangmang khangasaka, okathuiwui atungli kazata, ashangva̱wui Vare Proho chi awui mingna!

MATTHEW 9:4

Chieina Jishuna athumwui kaphaning chi theida hānga, “Nathumwui wuklungli khisāda makaphā ning phaningphāphākhala?

MARK 2:8

Athumwui ningli khamachuk chi heng sāda theihaoda Jishuna hānga, “Khisāda nathumwui ningli machukphāphākhala?

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

1 CORINTHNAO 2:11

Mikumowui ningna mikumowui ningkhalang kathei thada Varewui Manglāmāngna Varewui pongli thei.

GALATIANAO 5:15

Kha sāyur thada akha eina akha makei ngarokta chotngasakakha, ning ngasharlu, chi maningakha nathum saikora shimān ngarokra.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

PHONGKHAMI 16:19

Kahaka keinung chi kaikathum sāhaowa; miyurbingwui keinungbing kongluihaowa kala Varena kahaka Babylonli mamalailakmana, chieina awui khangachee-khangacha athut kakhuina pemkahai tengkot chi mimanga.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.