MATTHEW 12:2 - Kathara Bible (BSI)

² Phariseebingna chi theihaoda Jishuli hānga, “Yanglu, nawui sākhangatha̱bingna Sabbaththang masakhangayi ot sāda lei.”

MATTHEW 12:2 Iomraidhean Croise

SHONGZĀ 23:12

“Tharukthang nathumwui ot sāra, kha kashinethang ngasāmkhuida; nathumwui mukkāla, gadhāla ngasāmkhuipaira, kala lokahaia raosha̱naowui naomayarabingla, kha̱minaola ngasāmkhuipaira.

SHONGZĀ 35:2

Tharukthang ot sāra, kha kashinethang chi nathumna Proholi kathara sabbath chingri eina ngasāmkhuira; chithang ot kasāpali shaothatra;

ISAIAH 58:13

“Sabbathwui eina naphei ngareithuihaiakha, iwui kathara zimiksholi nawui ningkachāng kasāwui eina ngareithuihaida ngasāmkakhui zimiksholi kahaoakha, Prohowui kathara zimiksholi khayāshiakha; nawui ningkachāng masāla kala chāngnālak eina mamatuipamla nana khayāshiakha;

MATTHEW 12:10

Kala yanglu, apam chili apāng sheikasha̱ mi akha leisai. Jishuli khayon phenkhangai mi kaikhala chili leisai. Chieina athumna ali ngahāna, “Sabbaththang kazāt raikhami hi ainna mayālā?”

MATTHEW 12:3

Ana athumli ngahānkai, “David eina ali ngasokazatbingna thaikahai tharan khi sākhala kaji nathum mapāyangmalā:

MARK 2:24

Chieina Phariseebingna ali, “Yanglu, khisāda athumna Sabbaththang ain kakai ot sākhala?”

LUKE 14:3

Chieina Jishuna ain kathembing eina Phariseebingli ngahāna, “Sabbaththang kakazā raikhami hi ainwui athishurda sāpaikā, masāpaimakhala?”

LUKE 23:56

Chiwui thili athumna shimli latunglaga nganamkaphā thao ayur-ayā khangarān sakhui. Sabbaththang ningkhami athishurda athumna ngasāmkhui.

LUKE 6:2

Kha Pharisee kaikhana hānga, “Khisāda sabbaththang ain kakai ot sākhala?”