MATTHEW 12:17 - Kathara Bible (BSI)

¹⁷ Hi Isaiah marānna hānghaikasā chi ungshung khavaina:

MATTHEW 12:17 Iomraidhean Croise

ISAIAH 42:9

Yanglu, kharebing chi shokhaira, kala kadharabing ina lānkhamina; chibing chi mashokranglakha ina nathumli kahāngna.”

ISAIAH 44:26

awui raowui tui ungshung khangasaka, awui paomebingwui hāngkachithei tui ungshung khangasaka, Jerusalemwui pongli ‘Chili mi panluira’ da hāngkhame, Judahwui keinungbingwui apongli ‘Athum sakāluira, kala ngayāng kahai ina semkāluira’ da kahāngana.

MATTHEW 12:16

kala awui pongli mi kateibingli mahānglakalu da athumli ningmi.

MATTHEW 12:18

“Yanglu, ina kapangkhui kahaia rao, iwui khaluma kala ina ningyāngkhaunga. Ina ali iwui Manglā sangmira, kala ana Gentilebingli mashun bichar vaomalānmira.

MATTHEW 13:35

Hi marānna hāngkahai chi ungshung khavaiwui vangna: “Ina chānjam shichinda hāngchitheira, okathui haokaphokwui eina thumhaikasā chi ina hāngra.”

MATTHEW 21:4

Marānna hithada hānghaikasā chi ungshungvairanu da hi shok khangasakna:

MATTHEW 8:17

Hi Isaiah marānna “Ana ithumwui kakazā saikora khuithuimiya kala ithumwui kazāt saikora phungmiya” da hāngkahai ungshung khavaina.

LUKE 21:22

Kaja kathara lairikli kapi kahai tui chi ungshung khavai athut kakhui atamna.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

JOHN 10:35

Kathara lairikli kapi kahai hi mashimānda mashunga kaji ithumna thei, kala Varena chikathābingli kameonao hoi, chikathābingli ana awui chānpao miya.

JOHN 12:38

Hi Isaiah maranna hāngkahai ungkashungna: “Proho, ithumwui pao khipāna shitsangkhala? Prohona khipāli awui pangshap chitheikhala?”

JOHN 19:28

Chiwui thili Jishuna ot kuphaira kaji theida, Kathara lairikwui tui chi ungshung khavai, “I ra̱changhaira” da hānga.

OTSAK 13:27

Kaja Jerusalemli kapam mibing eina kathānabingna a Huikhamena kaji matheithuwa, lah sabbath kachida pāda khalei marānbingwui tuila bhap matāthuwa. Kha Jishuli khayon khami china marānbingwui tui chi ungshung ngasaka.