MATTHEW 12:14 - Kathara Bible (BSI)

¹⁴ Kha Phariseebingna chiwui eina shokta kathada Jishuli sāshimānhaosikhala da ngasana.

MATTHEW 12:14 Iomraidhean Croise

MATTHEW 26:4

kala Jishuli ngathum sāda tukkhuilaga shaothat khavai khangarān sai.

MATTHEW 27:1

Ngathorthakva pāngmon akhokabing eina ararbingna Jishuli shaothat khavai khangarān sai.

MARK 14:1

Atam chi Khawok-makazanga Khamui eina Makānkhami Phanit sākida zimiksho khanithang vatsai. Pāngmon akhokabing eina ain kathemabingna Jishuli ngathum sāda tukkhui khavai kala shaothat khavai khangarān sāda leisai;

MARK 3:6

Chieina Phariseebingna synagoguewui eina shoklaga hengsāda Herodwui mijangbingli asamphanga kala kathada ali shaothatsikhala da ngasan ngaroka.

LUKE 22:2

Chieina pāngmon akhokabing eina ain kathembingna ali kathada sāthatsikhala da apong phai, kaja athumna mibingli ngacheehaowa.

LUKE 6:11

Kha athumna Jishuli malungvātnāhaida khi sāsikhala da akha eina akha ngazek ngaroka.

JOHN 10:31

Chieina Jihudibingna ali horthatkida lunggui ngamuikhui.

JOHN 10:39

Athumna Jishuli tukkhui khavai akhashida salui, kha ana athumwui eina nganaishokhaowa.

JOHN 11:53

Chithang eina thuida Jihudi akhavābingna Jishuli shaothat khavai khangarān sāphoka.

JOHN 11:57

Jishuli tukkhui khavai kachikathāna a khaleipam theiakha hāngmilu da pāngmon kharei kala akhavābingna hukhum sahairasai.

JOHN 5:18

Hi kashā eina Jihudiwui akhavābingna ali shaothat khavai lungsanmeihaowa kaja ana Sabbathwui ain sakakhaimāng maningla Vareli a khalattawui Avāva̱na jihaowa, kala a khalatta Vareli ngaraichā ngasakhaowa.

JOHN 7:30

Chieina athumna ali tukkhui khavai sai, kha khipānakha ali pāng maparmana, kaja awui atam marārangsai.

JOHN 7:32

Mibingna Jishuwui maramli kakhalop chi Phariseebingna shai, chieina pāngmon akhokabing eina Phariseebingna Jishuli tukkhui khavai akhavābing chihovai.

JOHN 7:44

Kaikhana Jishuli tukkhuingai, kha khipānakha pāng maparmana.

JOHN 8:59

Chieina athumna lunggui ngamuikhuilaga Jishuli horkida sai; kha Jishuna khorumshimwui eina ngathum sāda shokhaowa.