MATTHEW 12:10 - Kathara Bible (BSI)

¹⁰ Kala yanglu, apam chili apāng sheikasha̱ mi akha leisai. Jishuli khayon phenkhangai mi kaikhala chili leisai. Chieina athumna ali ngahāna, “Sabbaththang kazāt raikhami hi ainna mayālā?”

MATTHEW 12:10 Iomraidhean Croise

ISAIAH 32:6

Kaja mangkhama̱ana kapātui matuira, awui ningna khalāng otmāng phaningra: Makathara otsak sākhavai, Prohowui pongli makhangayi tui hāngkhavai, kathai mili mathokhavai, kala ra̱kachang mili mamimang khavai.

ISAIAH 59:13

Proholi mamayāmada khalāng ot kasā, kala ithumwui Vareli kashurwui eina ngateithui kahai, rekakharek, khangararwui tui khamatui, phaningphāphai kala wuklungwui eina kakapik tui matuipama.

ISAIAH 59:4

Khipakha mashun eina bicharli mavāmana, khipakha ningtharda ainli mavāmana; athumna arema kaphayatli chihamda kakapik tui matui, makaphā ning phaningpamda morei pharāshoka.

ZECHARIAH 11:17

“Makānkhanā iwui yaokahoma, yao chipen kahai, nali kakhanang ngasāranu! Awui pāngthei kala yāmikla raighai eina shātranu! Apang tongda thihaoranu, awui yāmik ngapeochanghaoranu.”

MATTHEW 12:2

Phariseebingna chi theihaoda Jishuli hānga, “Yanglu, nawui sākhangatha̱bingna Sabbaththang masakhangayi ot sāda lei.”

MATTHEW 19:3

Phariseebingna rālaga chāng yangkida, “Mi akhana maram akhawui vang eina apreiva̱li pāngkahai hi ainlā?” da ali ngahāna.

MARK 3:2

Kala Jishuli khayon phenkhavai Sabbaththang kazāt maraiminikhala da mi kaikhana ra̱yanga.

LUKE 11:54

kala ana khayon tui khamatui rimkhuilaga tukkhui khavai khalenla sanga.

LUKE 13:14

Kha Synagoguewui akhavā china sabbaththang Jishuna raikhamiwui vang malungvāthaoda mibingli hānga, “Ot sākhavai zimiksho tharukthang lei, chiwui alungli rālu kala rāraikhuilu kha sabbaththang marālu.”

LUKE 20:22

Caesarli khāshinā khami hi mingayikā mamingayimakhala?”

LUKE 23:14

“Nathumna mipā hili mashongachei khangasaka mina da khuirai, ina nathumwui miktāli khari-kharāda ngahānyanghaira, kha awuitungli kaphen saikora chi khikha khamashung masamphangmana.

LUKE 23:2

khuivālaga hithada kasotsanga, “Mipā hina ithumwui yurli mashongachei ngasakta Caesarlila shai mami khavai khāma kala akhalatta Khrista Awunga akhana ji.”

JOHN 5:10

Chieina Jihudibingna raikahaia mi chili hānga, “Aja Sabbathna, nana nawui khomphānao khuikaphung hi masāpaimana.”

JOHN 5:3

Hili kakazābing kaja mik khangapeo, phei katek kala sheikasha̱bing sorngasaida pamsai— (athumna tara̱ khangatha̱ ngaraipama.

JOHN 7:23

Moseswui ain makai khavai Sabbath zimiksholi ahui rimshokmiakha ina Sabbaththang kakazā mi akhali raikhamiwui vang khisāda malungvātkhala?

JOHN 8:6

Jishuwui khayon tukkhui khavai athumna kahāng kasāna. Kha Jishuna kui mashunzangda pāngmareng eina ngaleili kapi.

JOHN 9:16

Pharisee kaikhana hānga, “Hi kasā mipa hi Varewui eina kharā maningmana, kaja ana Sabbath mamayonmana.” Khangatei kaikhana hānga, “Morei kaphunga mina kathada hiyākha hakkhamahā ot sāshaprakhala?” Hithada athumwui ngachaili ning kaikhangarok shokhaowa.