MATTHEW 11:3 - Kathara Bible (BSI)

³ athumna ali hānga, “Rāki kajipā chi nala jika ithumna khangatei akhali ngaraifarakhala?”

MATTHEW 11:3 Iomraidhean Croise

HAOKAPHOK 12:3

Nali kasobingli inala sora, nali khonkashe chili inala khonshira kala okathui shimkhur hupta nawui mangā eina sokhami ngasāra.

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

LAA 118:26

Prohowui mingli kharā mi sokhami ngasāranu! ithumna Prohowui shim eina nathumli somi.

ISAIAH 7:14

Chiwui vang eina Proho akhalattana nathumli machut akha mira. Yanglu, ngalānao akhana nao vaida mayarnao akha pharāra kala awuiming Immanu-el hora

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

OBADIAH 1:21

Kharingabingna Zion kaphung kāda Esau kaphungli mungra; kala wungram chi Prohowui ngasāhaora.”

MICAH 5:2

Kha na, O Bethlehem Ephrathah, Judahwui shang ngasākida kateowa, nawui eina iwui vang Israelli khamunga saki kaje akha shokra, awui haophok khavai chiya kharewuina, achālakhawui einana.

HAGGAI 2:7

kala yur saikora ina khanukra, chithāda sāda yur saikorawui lan chi rāzangra, kala ina shimhi tekhamatei eina chipemra, da saikorawui Prohona hānga.

ZECHARIAH 9:9

Ringphālu, O Zionwui naongalāva̱! Pangda vaolu, O Jerusalemwui naongalāva̱! Yanglu, nawui awunga gadhā alānao akhali tongda nawuili rārāli; maikhayā kala khayuiya chi alaka,

MALACHI 3:1

Yanglu, iwui vang shongfa khangarān sākhavai iwui paome rida chiholi, kala nathumna phāda khalei Proho chi kashuirak eina awui khorumshimli rāra; nathumna ningyāngkhaunga tuingashitwui paome chi, yanglu, a rārāli, da saikorawui Prohona hānga.

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MISHĀN 24:17

Ina ali thei, kha arui maningmana; Ina ali yanga, kha manganaimana: Jacobwui eina sirā akha shokra, Israelwui eina khānthing akha kharshokra; china Moabwui khavei ngaphitkhaira, kala Shethwui naomayarabingli sākhayāngra.

MATTHEW 11:10

Hithada kapihaikasa chi awui ponglina: ‘Yanglu, ina iwui paome nali rimeida chihora, ana nawui shongfa rida ngarānmira.

MATTHEW 11:4

Chieina Jishuna athumli ngahānkai, “Ungulu, kala nathumna shākahai kala theikahai chi Johnli unghānglu:

MATTHEW 21:5

“Zionwui naongalāva̱li hānglu, Yanglu, nawui awunga nawuili rārāli! ngahuiri eina, gadhātungli, gadhā chiwui avānaoli tongda.”

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

MARK 11:9

Mangāshong kazatbingla kala khanukshong kazatbingla “Hosanna! Proho mingli kharā a chili ka̱lā mahaimeiranu!”

LUKE 19:38

“Proho mingli kharā awungali ka̱lā mahairanu! Kazingramli chingrihairanu kala juikhamataiyali tekmateirānu.”

JOHN 11:27

Ana “Mha, Proho, apuk-apagva̱li rāki kaje Varewui Naomayara Khrista chi nalaka” da ngahānkai.

JOHN 12:13

Chieina athumna khaneinā singlaga Jishuli samphang khavai vai, kala “Hosanna! Prohowui mingli kharā Israelwui Awungali ka̱lā mahairanu” da vaowa.

JOHN 16:14

Ana ili tekmatei ngasakra kaja ina kahāng chi ana khuilaga nathumli hāngchitheira.

JOHN 4:21

Jishuna hānga, “He sha̱nao, ili shitsanglu. Avāva̱ chili mibingna kaphung hilila, Jerusalemlila makhorumluiki kaji atam chi rārāli.

JOHN 6:14

Matakkhak kahai ot kasā chi theilaga mibingna, “Kachangkhat okathuili rāki kaje marān chi alaka” da hānga.

JOHN 7:31

Thālala yaruiwui ngachaili mi kachungkhana ali shitsanga kala athumna hānga, “Messiah kharā tharan mipā hina kasāli lāngmeida sāshaprala?”

HEBREWNAO 10:37

Kaja hithada kathara Lairikli kapihaida lei. “Kasha̱khawui thili rāki kaje chi rāra; masāngmara.