MATTHEW 11:24 - Kathara Bible (BSI)

²⁴ Kha ina nathumli kahāngna, Sodomli bichar kasāliva nathumli sakmeida bichar sāra.”

MATTHEW 11:24 Iomraidhean Croise

JEREMIAH 23:14

Kha Jerusalemwui marānbingli ina zakkashi otsak thei; athumna shām sai kala kakapiklungli zata; makaphā kasā mibingli kasatsangda khipākha makhayāwui eina malatungmana, iwui mangāli athum saikora Sodom thāserhaira, kala chiwui mibing Gomorrah thai.

CHAPCHĀT 4:6

Sodomli kashong kharāng pāng masāza̱la mikkhayipkhalungli kashimānli lāngmeida iwui mibingwui naongalāva̱li khamachinna hakmei.

EZEKIEL 16:48

“Kachangkhat eina ina kahāngna, na eina nanao ngalāva̱ ngarāna kasā thāda nagatuiva̱ Sodom eina anao ngalāva̱bingna masāmana da Proho VAREna hānga.

MATTHEW 10:15

Ina nathumli kachangkhat kahāngna, bichar sāthanghon Sodom eina Gomarrahwui mibingli bichar kasāliva chikathā keinungwui mibingli bichar kasāna sakmeira.

MATTHEW 11:22

Kha ina nathumli kahāngna, bichar sāthanghon Varena Tyre eina Sidonli kasāliva nathumli sakmeida bichar sāra.

MATTHEW 23:14

Ain kathembing eina Phariseebing, phākakhaningabing! nathumli kakhanang ringkashi ngasāranu, khikhalajila nathumna ra̱meinaowui shim ngaponkhui kala mānkhavai seihā sānglak eina sai, chiwui vang eina nathumna shongrān sakmeida samphangra.

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

LUKE 10:12

Ina nathumli kahāngna, chithanghon, keinung chiliva Sodomna khāngpaimeira.