MATTHEW 11:13 - Kathara Bible (BSI)

¹³ Kaja Johnwui atam eina tangda marānbing saikora kala ainna wungramwui pongli marānhairasai.

MATTHEW 11:13 Iomraidhean Croise

MALACHI 4:6

Kala ana avāva̱ ngarāwui ning chi anao ngarāwuili ngareivā ngasakra, kala anaongarāwui ning avāva̱ ngarāwuili ngareiung ngasakra, maningakha ina rāda ngalei chili khonkashi eina sāshimānhaipaishina.”

MATTHEW 11:12

John Ra̱hikmewui thot eina thuida aja rāshungda kazing wungram hi rotmarātlak eina rāshuma kala rotkhamarātwui mibingna pangshap eina yuikhui khavai sai.

MATTHEW 11:14

Nathumna chi khuisangngaiakha a hi rāra da phongmi kahai Elijah china.

LUKE 24:27

Moseswui eina thuilaga marān saikorana awui maramli kapihaikasā katonga chi Jishuna anili khalatmisera.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

OTSAK 13:27

Kaja Jerusalemli kapam mibing eina kathānabingna a Huikhamena kaji matheithuwa, lah sabbath kachida pāda khalei marānbingwui tuila bhap matāthuwa. Kha Jishuli khayon khami china marānbingwui tui chi ungshung ngasaka.

ROMNAO 3:21

Kha ara Varena mikumoli mashungkhamiwui apong chi phongmihaira. Ain eina marānbingnala chili shākhi mihaisālala chi ainwui eina ngateihanghai.