MATTHEW 11:11 - Kathara Bible (BSI)

¹¹ Ina nathumli kachangkhat kahāngna, sha̱naona kapharāwui ngachaili John Ra̱hikmeli reikhamei khipākha mashoklakrangli; chithālala kazing wungramli teomeikap kaje china ali reimei.

MATTHEW 11:11 Iomraidhean Croise

JOBWUI LAIRIK 14:1

Sha̱naona kapharā mi hi hunkhawui vang mānga, kala kakhanangna pemtinghai.

JOBWUI LAIRIK 14:4

Makatharwui eina khipāna kathara ot khuishokshapra? Akhala maleimana.

JOBWUI LAIRIK 15:14

Kathara mi khipā leikhala? Maningakha sha̱naona kapharā khangaronga khipā lei?

JOBWUI LAIRIK 25:4

Chithākha Varewui mangāli mina kathāda mashungpaira? Sha̱naona kapharā mi chi kathāda tharpaira?

LAA 51:5

Yanglu, moreilungli ili ishava̱na vaikhui, ili khayonlungli pharai.

ISAIAH 30:26

Chili lāngda, ana khamā za̱mi kahai saikora ngahāmida raikhami eina, kachāngwui kahor chi zimikwui kahor thāra, kala zimikwui kahor, shini shida, kaja shinithangwui kahor khangarum thāda horra.

ZECHARIAH 12:8

Chithanghon Prohona Jerusalemli kapamabingli chāngvei akha eina ngākmira, kala athumwui ngachaili ngazanmeithuikaje china David thāhaora, kala Davidwui shimkhurna Vare thāda athumwuitungli khalei kazingraobing thāhaora.

MATTHEW 11:10

Hithada kapihaikasa chi awui ponglina: ‘Yanglu, ina iwui paome nali rimeida chihora, ana nawui shongfa rida ngarānmira.

MATTHEW 11:12

John Ra̱hikmewui thot eina thuida aja rāshungda kazing wungram hi rotmarātlak eina rāshuma kala rotkhamarātwui mibingna pangshap eina yuikhui khavai sai.

MATTHEW 3:1

Atam chitharan John Ra̱hikmena Judeawui lamhāngli pao hāshokrai.

MATTHEW 3:11

Ning khangateiwui vang ina nathumli tara̱ eina ra̱hikmi, kha iwui thili rārāda khalei A chiya ili reimei, I awui pheihop phungkida matik machāmana. Ana nathumli Manglā Kathara kala mei eina ra̱hikmira.”

MATTHEW 5:19

Kachikathāna ningkhami paimeikap kajili mahengsanglaga ana kateibingli chi tākam eina sālu da tamchitheiakha mi chi kazing wungramli teomeikap kaja ngasāra. Kha saikora khamayona kala tamkachithei mi chili kazing wungramli khareia ngasā ngasakra.

LUKE 1:15

Kaja Prohowui miktāli a kahaka mi ngasāra kala zamkhorla, khamaripa otla masāza̱mara, Ava̱wui naopamli leilakhawui eina, ali Manglā Kathara pemtinghaora.

LUKE 7:28

Ina nathumli kahāngna, sha̱naona kapharāwui ngachaili Johnli reikhamei khipākha maleimana. Chithālala Vare wungramli teomeikap kaje mi china ali reimei.”

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

JOHN 1:15

Johnna awui pongli shākhi mida vaoda hānga, “‘Iwui thili rāki kaje mipa china ili reimei, kaja ava ili rida leihairakasāna’ da ina kahāng mipa chi hina.”

JOHN 1:27

Iwui thili kharā chi ana, I awui pheihop khara̱ eina tangda makhalāmiphayomana.”

JOHN 10:41

Chili mi kachungkha awuili rāda ali hānga, “Johnna machut masāmana, kha ana mipa hiwui maramli kahāng saikora mashungsera.”

JOHN 3:30

A mataisangphalungra, kha iya teosangphalungra.”

JOHN 5:35

John hiya sharkahai kahora thaomei kathāna, kala nathumna kasha̱khawui vang kahor chili pamngai.

JOHN 7:39

Hi ali shitkasangbingna samphangki kaji Manglāwui tui kahāngna. Kaja Jishuna tekhamatei eina maringshokrangsāthuda Manglā chi mamirangsai.

1 CORINTHNAO 15:9

Kaja paokazatbingwui ngachaili I teomeikapa. Varewui churchli yankasaiwui vang ili paokazata dala mahorānmana.

1 CORINTHNAO 6:4

Hikathāthā tuishot nathumwuili leiakha, kachiwui vang eina churchna matheimiphaphut kajebingwuili ngazekmi khavai khuivārakhala?

EPHESIANAO 2:3

Ithumla athum thada, phasāwui ningkachāng athishurda kala ningli sākhangai chi ungshung khavai sāda okthuisai. Chiwui vang eina ithumla athumwui thada Varena malungkhavāt naongarā ngasāsai.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

2 TIMOTHY 1:10

Ara ithumwui huikhame kharā eina phongmihaira. Ana kathiwui pangshap shimān ngasakhaira kala paokaphāwui mangā eina makathi mirin chi phongmihaira.

HEBREWNAO 11:40

khikhalajila ithumwui vang mathākhamei akha ngarānmihaira, chiya ithum mazangla athummāngli kāshungchao kahai chi masamphang ngasakmara.

1 PETER 1:10

Huikhami hiwui pongli marānbingna munlak eina ngathingkhuida Varena nathumli miki kaji sokhami tui athumna phongmihaisai.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.