MATTHEW 10:8 - Kathara Bible (BSI)

⁸ Kakazābingli raimilu, kathebingli ringngasaklu, phārrei kakazābingli tharmilu, kameobing kashamshokmilu. Nathumna aman mamila samkaphangna, chithada aman makhuila milu.

MATTHEW 10:8 Iomraidhean Croise

ISAIAH 55:1

“Hei, ra̱kachanga kachiva̱, tara̱ chili rālu! kala pheisā makhalei a chi, rālu, lokhuida zālu! Rālu, pheisa kala aman mazangla drakhāra̱ kala seina̱ rālokhuilu.

MISHĀN 18:7

Kala na eina nanaomayarabingna nali ngasoda nawui pāngmon ot kala mairārwui alungli khalei hanphutwui ot saikora yangsangmira; kala nana otram ngatha̱ra. Ina nawui pāngmonpam lemmet eina khamina, kala chili rākhanganai mi kachiva̱li thingasakra.”

MATTHEW 10:1

Jishuna awui sākhangatha̱ tharāda khani chili hokhui kala makathar manglā kashamshok khavai kala kazātyur ayāyāva̱ kala kazāt saikora raimi khavai pangshap mi.

MATTHEW 10:7

Kala nathumna khavāvāli pao hāshokta ‘Kazing wungram chi nganaihaira’ da hānglu.

MATTHEW 10:9

Nathumwui lupākhaoli sināla, lupāla, pheisāla makhuiphungalu.

MARK 16:18

athumna phara̱ singkhuilala, kathiri manglala china athumli khikha masāza̱mara. athumna kakazānaobingwuitungli pāng parmiakha, kharai samphangra.”

LUKE 10:9

chili kakazā khaleibingli raimilaga, athumli ‘Vare wungram chi nathumli ranganailakhaira’ da hānglu.

OTSAK 3:6

Kha Peterna hānga, “I sinala, lupāla maleimana, kha iwui khalei chi nali khamina, Nazarethwui Jishu Khristawui mingli ina nali ngakarthuida zatlu da kakasona.”

OTSAK 4:30

Raimi khavai napāng katingshokmilu kala nawui kathara rao Jishuwui ming kasing mangā eina matakhak kahai kala machutkakhui sapai khavai mayāmilu.”